Una candela per il diavolo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Una vela para el diablo
Una candela per il diavolo
Candela per il diavolo.png
La Loreta Tovar in na figùra dal film
Na candéla p'r al diàvul
1973
Regia: Eugenio Martín
Scritùr: Eugenio Martín • Antonio Fos
Atùr: Aurora BautistaJudy GeesonMery Leyva
Esperanza RoyVíctor BarreraLone Fleming
Müsica: Antonio Pérez Olea
Lengua: Spagnōl
Dürä dal film: 83 minüt
Nasiòṅ: Spaggna


«
La punisiòṅ dla ragàsa tròp rója. I rèst umàṅ in di barìi.»
(Tagline dal film)


Una candela per il diavolo (Na candéla p'r al diàvul) 'l è 'n film ad scarésa dal 1973 'd Eugenio Martín.

Sunt

Al surèli Marta (Aurora Bautista) e Verónica (Esperanza Roy) i gh'aṅ na lucànda in un vilàǵ turìstic dla Spaggna. Al dū dóni, dimóndi religióśi, i n s cumpatìsan pròpria briśa al turìsti ch'i rìvan da 'l èstar parchè i èṅ pròpria dal nimàli ch'i n gh'aṅ vargóggna 'd gnint, i vàn'n in gir cun dal scalvadùri ch'a s véd incòśa.

Adès a gh 'n è una pò rivàda da l'Inghiltèra, la May Barkley (Loreta Tovar), ch'la gh'à 'l brut visi 'd ciapàr al Sōl praticamènt nuda su la teràsa faghénd scàndal c'n i masć i gh sćifl'n adrē. La Marta, ch'la n in pōl piò, la la para via da 'd là dand-'g un cuć ch'la la fà strabucàr śò p'r al scali. La ragàsa la śbat la tèsta cónt'r al vēdar dna fnèstra e la mōr su 'l cōlp. Méntar la Marta la la lōga dgénd ch'la n è minga stada na daśgràsia ma na punisiòṅ divìna, a riva in dal mutèl la surèla dla vitma, la Laura (Judy Geeson), ch'la gh'iva apuntamènt sèg. La Verónica la gh diś che la May l'è partìda sénsa lasàr di mesàǵ par lē ma la Laura la dmanda listés na cambra pinsànd ch'la gh'àppia abû 'n prubléma ma che pò la turnarà.

Mént'r a riva n'atra ingléśa dimóndi sfaciàda ch'la pésca di aventùri, l’Helen Miller (Lone Fleming), la Verónica la và a cà dal sò amànt più śōvan Luis (Carlos Piñeiro), ch'al lavóra in dla lucànda faghénd da tut, par far 'l amōr sèg ma pò la gh cònta anc che sò surèla l'à capî ch'in dla casa i gh càlan di bèsi, qvéi che lē la gh'à ślungâ 'd nascòst par jutàr-al.

Turnàda a cà in dal cōr dla nòt mèśa ciùca, l’Helen la taca a litgàr-as cun la Marta che, par difénd'r-as, la gh mòla dū scurtlàdi masànd-la. N'atra turìsta americàna la tōś al sò pòst, la Norma (Blanca Estrada), ch'la gh'à sèg un putèṅ pìcul. Chi lē la gh'à 'l curàǵ ad dir a 'l paltèṅ ch'la n sà gnanc chi sia 'l pàdar. Quànd la Beatriz (Montserrat Julió) la 'l cònta a la sò amìga Marta, la dóna la n la tōś minga tant bèṅ parchè la l'à inganàda avēnd dit ch'invéci l'éra spuśàda.

La Laura in cal méntar la taca a 'vēr di suspèt, esénd che sò surèla la n s fà minga viva, e la in dascór prima c'n un cumisàri 'd pulisìa e pò cun la Norma.

Culegamènt estéran