Un lupo mannaro americano a Londra

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg An American Werewolf in London
Un lupo mannaro americano a Londra
Lupo mannaro americano a londra.png
Dunne e Naughton in na figùra dal film
Un lóv manâr americàṅ a Lóndra
1981
Regia: John Landis
Scritùr: John Landis
Atùr: David NaughtonGriffin DunneLila Kaye
John WoodvineJenny AgutterDavid Schofield
Brian GloverFrank OzMichael Carter
Müsica: Elmer Bernstein
Lengua: Ingléś
Dürä dal film: 88 minüt
Nasiòṅ: Stat Unî


«
Òcio a la luna.»
(Tagline dal film)


Un lupo mannaro americano a Londra (Un lóv manâr americàṅ a Lóndra) 'l è 'n film ad scarésa americàṅ dal 1981 ad John Landis. 'L è stâ girâ spendénd déś migliòṅ ad dòlar a 'l incìrca rivànd pò a purtàr-'n a cà ssanta-dū.

Gl'efèt speciài i èṅ stâ curâ par Rick Baker ch'l à pò vins al Prèmi Òscar in dal 1982 p'r al truc fat méj.

Sunt

Durànt i an Stanta, dū studènt americàṅ David Kessler (David Naughton) e Jack Goodman (Griffin Dunne) i viàś'n in dal Yorkshire, in dal nòrd dl'Inghiltèra, par na vacànsa ad tri méś. Na sira, mént'r i càtan ripàr in un pub ciamâ “'L Agnèl Maslâ”, i dmànd'n a la gint dal pòst parchè a gh sia 'n pentàcul in sal mur. Qvi là, ch'i 'l druàvan par paràr via i demòni, i i càsan via subìt, miténd-i in guàrdia 'd armàgnar sèmp'r in sla strada sénsa spinś'r-as in di camp lè dintóran.

L'è na nòt cun la luna pîna. I ragàs i s daśmìndgan ad qvél ch'i gh'ìvan dit e i finìsan da par lōr in di camp. Tut 'd un trat i sèntan di sîg 'd un lóv e pò na bistiàsa rabìda la s para lōr incóntar. Jack al mōr subìt méntar David al la scampa cun na quàlc frida ad śgranfgnàdi. Par sò furtùna qvéi dal pub i riv'n in sò ajùt e i cópan a sćiuptàdi la bistiàsa. Prima ad pèrd'r i sèns, David al fà sōl in tèmp a védar darènt a lò 'n óm nûd mòrt, tut śbuśî ad cólp.

Al ragàs al s darséd tri stmani dòp a 'l uśdàl ad Lóndra. A pâr ch'al s sia armìs bèṅ ma a gh'è quèl ch'a traśa. David al gh'à di arbgàt a la nòt in dua al s insùgna ad magàr ad gust un sèruv viṿ. Un dè pò al taca a trasfurmàr-as in un lóv manâr.

Culegamènt estéran