Un grappolo di sole (film 2008)
|
C'l artìcul chè 'l è scrit in
Miranduléś |
 A Raisin in the Sun
| ||
| Un grappolo di sole | ||
.png) David Oyelowo in na figùra dal film | ||
| Un grap ad sōl 2008 | ||
|---|---|---|
| Regìa: Kenny Leon | ||
| Scritōr: Paris Qualles • Lorraine Hansberry | ||
| Atōr: Sean Combs • Sanaa Lathan • Sandi Ross Phylicia Rashad • Audra McDonald • John Stamos David Oyelowo • Justin Martin • Ron Cephas Jones Bill Nunn • Sean Patrick Thomas • Martin Roach | ||
| Müsica: Mervyn Warren | ||
| Léngua: Ingléś | ||
| Dürä dal film: 131 minüt | ||
| Nasiōṅ: Stat Unî | ||
Un grappolo di sole (Un grap ad sōl) 'l è 'n film dramàtic americàṅ dal 2008 ad Kenny Leon girâ par la televiśiòṅ da 'n lavōr teatràł dla Lorraine Hansberry bèla purtâ a 'l cìnema in dal 1961 cun na pelìcula c'n al stés tìtul cun Sidney Poitier.
Preśentâ a 'l Sundance Film Festival, al film 'l è stâ traśmìs pò par la ABC muciànd sù dagnóra trédas migliòṅ ad spetadōr.
Sunt
I Youngers i èṅ na famìja 'd négar pòvar dal sud di Stat Unî ch'in di an Sinquànta i partìsan par 'l Illinòis par pascàr furtùna. I càtan 'n apartamènt cic in un cundumìni ad Chicago in du i fànan fadìga a star-ag tut e in du i èṅ custrét a spartìr cun di àt'r al cèso dal sò piàṅ.
A la Lena (Phylicia Rashad) a gh'è péna mòrt sò marè, ch'al s è fat al cûl tuta la vita par psēr purtàr a cà da magnàr, e adès la spèta deśmìla dòlar dal premi dl'asicurasiòṅ. La dóna la i vrév druàr par cumpràr-as na cà nóva c'n al mutṿo ma i sò fiōi i gh'arévan dgl'idéi difarènti. A la Beneatha (Sanaa Lathan) a gh piaśrév cuntinuàr a studiàr a l'università par dvintàr na dutōra mènt'r a Walter Lee (Sean Combs) i bèsi i gh farévan còmad par cumpràr cun di sòci sò amìg un lucàl. Chi lò, ch'al fà 'l autìsta par na famìja 'd biànc, 'l è spuśâ cun la Ruth (Audra McDonald) e 'l gh'à 'n putèṅ pìcul ciamâ Travis (Justin Martin), più 'n àt'r in arìṿ.
La Lena la decìd ad spéndar trimìla-e-sincsènt dòlar par farmàr na cà in dal quartēr bèṅ ad Clybourne Park, pò al dà chi àtar bèsi a Walter Lee da spartìr cun sò surèla ma chi lò al i dà tut a 'l sò sòci Willy Harris (Ron Cephas Jones) par cumpràr al night club. Purtròp chi lò al sparìs a 'l impruvìś tgnénd-as tut lò.
I vśèṅ 'd cà biànc di Youngers i n èṅ minga tant cuntènt 'd avēr-ag fra i pē di négar e i màndan dònca un sò rapreśentànt dal cumitâ dal quartēr, Carl Lindner (John Stamos), a cuntratàr sèg la còmpra dla cà cun di frut par cunvìns'r-i a 'ndàr via. In cal méntar la Beneatha la decìd ad mulàr al sò muróś George Murchison (Sean Patrick Thomas), un négar ric ch'al n è minga bòṅ ad cumpréd'r i prubléma dla sò gint avénd al bisàchi pîni, par mét'r-as c'n al nigeriàṅ Joseph Asagai (David Oyelowo) ch'al vrév turnàr sèg in Àfrica par far al dutōr là.