Un colpo al cuore
|
C'l artìcul chè 'l è scrit in
Miranduléś |
 Shot Through the Heart
| ||
| Un colpo al cuore | ||
 Linus Roache in na figùra dal film | ||
| Un cólp a 'l cōr 1998 | ||
|---|---|---|
| Regìa: David Attwood | ||
| Scritōr: Guy Hibbert • John Falk | ||
| Atōr: Linus Roache • Vincent Pérez • Lia Williams Adam Kotz • Mihály Szabados • Lothaire Bluteau | ||
| Müsica: Ed Shearmur | ||
| Léngua: Ingléś | ||
| Dürä dal film: 112 minüt | ||
| Nasiōṅ: Stat Unî • Cànada • Régn Unî • Ungherìa | ||
Un colpo al cuore (Un cólp a 'l cōr), cgnusû in Itàglia anc c'n al tìtul ad Tiro al bersaglio, 'l è 'n film dramàtic par la televiśiòṅ girâ in dal 1998 par David Attwood. Al cònta di fat sucès dabòṅ in dla èx Jugoślàvia a 'l inìsi di an Nuànta durànt la guèra in Bòśgna.
In dla culòna sunóra dal film i s càtan di pès di Cranberries (Dreams), dla Paula Abdul (Alright Tonight), ad Kemal Monteno (Jos Juce Smo Bili Srenti) e dl'Enya (The Memory of Trees).
Sunt
Vlado Selimović (Linus Roache) e Slavko Stanić (Vincent Pérez) i èṅ dū amìg cun la pasiòṅ p'r al tîr c'n al sćiòp ch'i vìv'n a Sarajēṿ. Al prim al gh'à di urìgini cruàti, 'l à spuśâ na musulmàna 'd Bòśgna, la Maida (Lia Williams), e al gh'à na fiōla ad nóm Nadja (Karianne Henderson). Al secónd invéci 'l è sèrb e 'l è put.
Al 9 ad Śnar dal 1992 Radovan Karadžić al dà vita a la Repùblica dal Pòpul Sèrb dla Bòśgna Erśegòvina dòp che la Bòśgna l'iva vutâ p'r èsar indipendènta. In sità i rìv'n i militàr ch'i órd'n a la gint minga sèrba ad far sù baràca e buratèṅ, far fagòt in présia e andàr via o sinò 'l è pèś par lōr. In cal caśèṅ lè Zijah (Lothaire Bluteau) al pòrta via la màchina a Vlado par véndar-la a 'l marcâ négar faghénd sù di bèsi mént'r i sèrb ad Bòśgna i ricévan la létra p'r andàr a cumbàtar. Al dutōr Miša Kovacević (Adam Kotz), amìg ad Vlado, al decìd ad dśartàr, lasànd a cà sò mujér Amela (Soo Garay) e sò fiōla Lejla (Laura Petela), mént'r invéci Slavko, ch'al gh'à d'insgnàr a i prinsipiànt a tiràr c'n al sćiòp, al gh'astà. Chi lò al cunsìlia però a i sò amìg ad scapàr via prima ch'a sia tròp tard ma Vlado e sò mujér i decìdan 'd armàgn'r a Sarajēṿ parchè lè a gh'è la sò cà e la sò vita. Cla nòt lè i sèrb i atàcan la sità piasànd di car armâ dapartùt, dand inìsi a na guèra sivìl.