Un'insolita missione

Da Wikipedia.

C'l artìcul chè 'l è scrit in Miranduléś Emiliàn

The Parole Officer
Un'insolita missione

La Williams e la Headey in na figùra dal film
Na misiòṅ fóra da 'l cumùṅ
2001
Regìa: John Duigan
Scritōr: Steve Coogan • Henry Normal
Atōr: Steve CooganOm PuriLena Headey
Steven WaddingtonBen MillerStephen Dillane
Emma WilliamsOmar SharifJohn Henshaw
Müsica: Alex Heffes
Léngua: IngléśGiapunéś
Dürä dal film: 93 minüt
Nasiōṅ: Régn Unî


«
Cumbàt'r al crìmin 'l éra 'l sōl quèl ch'al saìva far. Mâł.»
(Tagline dal film)


Un'insolita missione (Na misiòṅ fóra da 'l cumùṅ) l'è na cumèdia ingléśa dal 2001 ad John Duigan giràda c'n un budget ad siē migliòṅ ad sterlìni a 'l incìrca.

Su i tìtui ad cóa a s sènt la canta Heroes ad David Bowie.

Sunt

Simon Garden (Steve Coogan) 'l è 'n funsiunàri 'd pulisìa ch'al tîṅ adrē a i criminài ch'i aṅ finî 'd scuntàr al cundàni in parśòṅ, juntànd-i a turnàr in dla sucietà rigànd drit. P'r al fat ch'i sò culéga 'd Blackpool i n s al cumpatìsan piò, anc parchè al dascór tròp, al vîṅ trasferî a Manchester in du al s fà amìg cun la sò culéga pulisiòta Emma (Lena Headey).

Durànt 'n inseguimènt a na màchina rubàda, guidàda par la ladra patintàda e ragasōla Kirsty (Emma Williams), 'l ispetōr cap Burton (Stephen Dillane), ch'al gh'iva insìma 'n càr'g ad dròga, al fà in manéra che la śuvnòta la ciàpa lē la cólpa, pò al giùsta i cònt c'n al raśunēr Deacon (Clive Kneller), insaplâ sèg in un gir ad tràfic muśnènt, masànd-al. Par caś Simon 'l è testimòni d'l umisìdi ma al n pōl far gnint cónt'r ad lò parchè al sò pòrta-fój 'l è stâ catâ darènt a 'l cadàvar e dònca 'l è sóta ricàt.

P'r incastràr 'l ispetōr curót al gh'à sōl na manéra: śgranfgnàr via na caséta vìdeo dal sircùt 'd sicurésa 'd un night in du a s véd al masamènt. Esénd stada misa sóta ciàṿ in un caveau dna banca, al decìd ad far-as jutàr da tri èx delinquènt ch'l à jutâ a 'rfàr-as na vita: George (Om Puri), al vendidōr ad pés Jeff (Steven Waddington) e 'l espèrt ad computer Colin (Ben Miller). Par far-al i dróan i śavàj dal mistēr 'd un làdar famóś, Victor (Omar Sharif). In séguit a s unìs a 'l grup anc la Kirsty méntar Simon al taca na relasiòṅ cun l’Emma.

Culegamènt estéran