Turistas
|
C'l artìcul chè 'l è scrit in
Miranduléś |
 Turistas
| ||
| Turistas | ||
 La Garrett, la Wilde, Duhamel e la George in na figùra dal film | ||
| Turìsta 2006 | ||
|---|---|---|
| Regìa: John Stockwell | ||
| Scritōr: Michael Ross | ||
| Atōr: Josh Duhamel • Olivia Wilde • Max Brown Melissa George • Beau Garrett • Desmond Askew Miguel Lunardi • Lucy Ramos • Cristiani Aparecida Andréa Leal • Diego Santiago • John Stockwell | ||
| Müsica: Paul Haslinger | ||
| Léngua: Ingléś • Purtughéś | ||
| Dürä dal film: 85 minüt | ||
| Nasiōṅ: Stat Unî | ||
Turistas (Turìsta) 'l è 'n film ad scarésa americàṅ dal 2006 dirèt par John Stockwell. Custâ 10 migliòṅ ad dòlar, al 'n à pò ciapâ 14,7. 'L è stâ girâ prinsipalmènt a Ubatuba (in dal stat ad San Pàulo) e a Lençóis (in dal stat ad Bahia).
'L atōr Josh Duhamel, ch'in dal film al fà la part 'd Alex, 'l è stâ custrét a dmandàr pardòṅ in na puntàda dal prugràma ad Jay Leno The Tonight Show dgénd ch'a n éra briśa intensiòṅ dal film purtàr di dan a 'l turìśum braśigliàṅ arbaténd acsè a 'l guèran dal Braśìl ch'al s 'n éra abû a mâl dla bruta figùra ch'al film al fava far a gl'abitànt dal pòst[1].
Sunt
Soquànt turìsta śōv'n ad léngua ingléśa (Inghiltèra, Stat Unî, Austràglia), in mèś a i quài a gh'è Alex (Josh Duhamel) insém a sò surèla Bea (Olivia Wilde) e la sò amìga Amy (Beau Garrett), i faṅ un viàś in Braśìl par gudér-s-la. Purtòp par lōr, al sò bus al fà 'n incidènt e i èṅ custrét a śmuntàr śò, armagnénd acsè a pē, in un pòst iśulâ dla regiòṅ dal Nordeste do Brasil.
Spetànd na curéra, lè davśèṅ i càtan na spiàgia da sógn cun atàc un bar/discutéca pîṅ ad bèli ragasōli ad cal bandi là. I rìvan lè anc di śvédéś in mòta. Ad nòt i śōv'n i faṅ baràca, i bév'n e i s divertìs'n a la granda. Al dè dòp però i s darsédan mâl rendénd-as cònt 'd èsar stâ drugâ e derubâ 'd incòsa. Dū ad lōr i èṅ anc sparî, purtâ via da di bandî da 'd lè. Quànd i próan a scapàr via, chi àtar i i màsan a cólp ad machete.
Chi àtar siē, a n savénd gnint, i tàc'n a giràr lè 'd intóran par tōr un mèś ad traspòrt par turnàr in dla siviltà e i finìs'n in na furèsta e i càtan Kiko (Agles Steib), òṅ ad qvéi dla fèsta. Chi lò al gh fà da guìda e al i pòrta a na vila, da par lē e in mèś a la giùngla, dal dutōr Zamora (Miguel Lunardi), al cap dn'urganiśasiòṅ criminàla ch'la vénd i òrg'n umàṅ ch'i finìsan a dispuśisiòṅ di braśigliàṅ pòvar 'd un uśdàl ad Rio de Janeiro.
Culegamènt estéran
- (EN) La schéda dal film in s'l IMDb
- (IT) La schéda dal film in sal FilmTv
- (IT) La schéda dal film in sal sit dla Cunferénsa Episcupàla