Tortéj dóls ed Colórni
|
C'l artìcul chè 'l è scrit in
Pramsân |
Al Tortél Dóls l'é una piétansa tipica ed la tradisión 'dla basa pramzâna, in particolär di téritòri di t'mon ed Colórni, Mzàn, Sisa, Torìle e Tricasèl.
Origin
La tradisión la vól che al torté dóls al sia nasù in tj ani ed la Duchèsa ed Pärma Maria Luigia d'Austria. As diza che, in ocasión ed ricórensi particolèri, la Duchèsa la portäva un piât ed chi tortèl chi ai sabien ed Sâca ed Colórni.
Usânsa
L'é una piètanza che, ed sòlit, la vèna preparäda in invèrèn tra la Vigilia ed Nadäl e la Vigilia ed Sant'Antònni dal Gozén (al 16 ed Znär).
Ingrediént
Al pìn l'é fat con dal pan rasù, dal mòst coòt (as fa bojar par 24 ori in manéra che da tri pärti a gh'nin résta vuna) e móstèrda, una quälca rezdora l'a gh'mèta anca 'dla marmlèda ed brugna suchélà. I tortéj, una volta c'la rezdora l'a fnì, i s'polen consar con dal butér e dal formaj nostran.