Ti amerò... fino ad ammazzarti

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg I Love You to Death
Ti amerò... fino ad ammazzarti
Ti amerò fino.png
La Tracey Ullman e Kevin Kline in na figùra dal film
A t vurò bèṅ... in fiṅ a masàr-at
1990
Regia: Lawrence Kasdan
Scritùr: John Kostmayer
Atùr: Kevin KlineTracey UllmanJoan Plowright
River PhoenixWilliam HurtKeanu ReevesPhoebe Cates
Müsica: James Horner
Dürä dal film: 96 minüt
Lengua: Inglés
Nasiòun/Paèiş: {{{Nasiòun/Paèiş}}}


«
Cun cla gint chè ch'la próa a cupàr-al 'l è fàcil che Joey Boca al pòsa vìvar par sèmpar.»
(Tagline dal film)


Ti amerò... fino ad ammazzarti (A t vurò bèṅ... in fiṅ a masàr-at) 'l è na cumèdia négra americàna dal 1990 ad Lawrence Kasdan ch'la tōś ispirasiòṅ da 'n fat sucès dabòṅ in dal 1984 a Allentown in dla Pennsylvania in dua na dóna, la Frances Toto, l'iva pruâ a masàr sò marè Anthony sénsa però cavàr-'g-la.

Al film 'l à muciâ sù da piò ad sédas migliòṅ ad dòlar a i butghèṅ dal nòrd Amèrica.

Sunt

Joey Boca (Kevin Kline) 'l è 'n americàṅ cun di urìgini itagliàni ch'al tira avànti faghénd dal pizzi. 'L è spuśâ cun la Rosalia (Tracey Ullman) e al gh vōl anc bèṅ ma, esénd un spurcaciòṅ, al sènt anc al biśógn dal vòlti ad far-ag un quàlc curnèṅ.

Un dè chi lē la gh'à la manéra ad véd'r-al impgnâ in una dal sò ciuladìni. Subìt la pénsa ad tōr-as la vita p'r al daspiaśēr ma pò, dascurénd cun sò màdar Nadja (Joan Plowright), la decìd ad vindicàr-as cupànd cal malnét ad sò marè. Dòp soquànt tintatìṿ andâ mâl, la ciàma Devo (River Phoenix), un ragàs inamurâ ad lē e ch'al lavóra in dla pizzerìa ad famìja, dmandànd-ag ad tiràr un cōlp a Joey e lò 'l al fà sénsa però cavàr-'g-la a finìr-al.

A n sinténd-as piò ad cuntinuàr da par lò, Devo a sò vòlta al ciàma dū drugâ pódag par far-al fóra, Marlon (Keanu Reeves) e Harlan (William Hurt), ma anc lōr dū i èṅ di inśdî e i fànan fiàsc. Cun un buśèṅ in dla tèsta, Joey al cònta a sò mujér ch'al n s sènt minga tant bèṅ ma lē la gh rispónd franca ch'a s trata 'd un virus.

Culegamènt estéran