The Horsemen

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Horsemen
The Horsemen
Horsemen.png
Dennis Quaid in na figùra dal film
I cavalēr
2009
Regia: Jonas Åkerlund
Scritùr: Dave Callaham
Atùr: Dennis QuaidZiyi ZhangPatrick Fugit
Lou Taylor PucciClifton Collins Jr.Eric Balfour
Müsica: Jan A.P. Kaczmarek
Lengua: Ingléś
Dürä dal film: 90 minüt
Nasiòṅ: Stat Unî


«
Quànd a sarà cuntâ incòśa a sarà tròp tard.»
(Tagline dal film)


The Horsemen (I cavalēr) 'l è 'n film ad scarésa americàṅ dal 2009 ad Jonas Åkerlund, regìsta ad dimóndi vìddeo 'd cantànt famóś.

La pelìcula, giràda a Winnipeg in Cànada, l'à fat sù dū migliòṅ e quàt'r ad dòlar.

Sunt

Al detective Aidan Breslin (Dennis Quaid), luminàri in dal camp dla madśìna legàla, da quànd 'l è armàś véduv cun dū fiōi da tiràr sù da par lò, Alex (Lou Taylor Pucci) e Sean (Liam James), insém a 'l sò jutànt Stingray (Clifton Collins Jr.) al pasa tut al sò tèmp a lauràr par risólvar di caś cuma qvél 'd 'n óm mòrt in campàggna ch'i gh'aṅ cavâ via tut i dènt. Su quàt'r àlbar lè dintóran al sasèṅ al gh'à scrit 'n mesàǵ: „Vîṅ e guàrda“. Cal scriti lè i vìnan catàdi anc su i mur dla cambra in dū a gh'è 'l cadàvar masâ dla Teresa Spitz (Carly L. Thomas), na dóna turturàda, fugàda in dal sò sànguv e tiràda śò cun la telecaméra prima 'd murìr. Al sasèṅ 'l à anc tirâ fóra da la sò pansa al putèṅ ch'la gh'iva da far nàsar.

Breslin, andànd a fónd su cla fraś là, al fà a mènt ch'a s trata 'd un pas dal Lìbar dl'Apucàlis in du a s dascór di quàtar cavalēr, Fam, Guèra, Pèsta e Mòrt, ch'i gh'aṅ da rivàr prima dla fiṅ dal mónd. La fiōla adutàda da la famìja Spitz, la Kristin (Ziyi Zhang), la s fà viva sèg dmandànd-ag ad psēr dascór'r insém ma, mént'r i dū i ciàcran, la ragàsa la tira fóra 'n sachét c'n al fēt dèntar cuntànd 'd èsar lē al cavalēr Guèra.

Aidan al gh'à idéa ch'i masamènt i n sìan briśa finî e 'l s dà da far par farmàr chi àtar tri cavalēr.

Culegamènt estéran