The Fall Before Paradise
|
C'l artìcul chè 'l è scrit in
Miranduléś |
 The Fall Before Paradise
| ||
| The Fall Before Paradise | ||
 La Gennarino e DeVere Jehl in na figùra dal film | ||
| Al strabùc prima dal Paradìś 2004 | ||
|---|---|---|
| Regìa: Steven Gillilan | ||
| Scritōr: Steven Gillilan | ||
| Atōr: Jennifer Chudy • DeVere Jehl • Greg Cool Sabrina Gennarino • Alex Kozushin • LeRoy Taylor Shelley McPherson • Michael Leroy Sheppard Tony Tsendeas • Sophie Radoci • Karim Sioud | ||
| Müsica: Quentin Chiappetta | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî | ||
The Fall Before Paradise (Al strabùc prima dal Paradìś) 'l è 'n thriller americàṅ dal 2004 prudót, scrit e dirèt par Steven Gillilan, regìsta premiâ a 'l Director's View Film Festival.
La pelìcula l'è stada giràda a Baltimòra c'n un budget stimâ 'd duśènt-mila dòlar.
Sunt
Ian Webber (Nathan Taylor) e sò surèla Casey (Sophie Radoci) i èṅ dū baghét ch'i vìnan purtâ via da sò màdar Mary (Jennifer Chudy) mént'r i śōg'n in un parc pùblic. A rapìr-i l'è stada na dóna puta ciamàda Donna (Shelley McPherson) ch'la vōl tròp na famìja e di fiōi tut suo da tiràr sù. Chi lē la s è cumpagnàda c'n un white trash spurcaciòṅ e puòs ad nóm Nate (Tony Tsendeas) che quànd lē l'è via par lavōr al s fà far di buchèṅ par la putìna. In dal tintatìṿ ad diféndar-la, Ian al vîṅ cupâ a bòti.
In un manicòmi dal Maryland un pasiènt biónd ciamâ Max (DeVere Jehl) al gh'à da spés di arbgàt in du al véd i dū baghét in perìcul esénd ch'al spìrit dal masćèṅ al gh dmanda ajùt in di sò insùni. La psicòluga 'd culōr (Kimberly S. Fairbanks) la 'l vrév curàr dand-ag dal madśìni par ciucâ in dla tèsta.
Insém a la Maddie (Sabrina Gennarino), n'atra mata ch'la créd 'd èsar la sò muróśa e ch'la gh'à n'usesiòṅ p'r al cumpagnìi telefònichi, al ragàs al scapa via p'r andàr a salvàr la Casey.