The Dark Hours
|
C'l artìcul chè 'l è scrit in
Miranduléś |
 The Dark Hours | ||
 La Greenhouse e Currie in na figùra dal film | ||
| Gl'óri scuri 2005 | ||
|---|---|---|
| Regìa: Paul Fox | ||
| Scritōr: Wil Zmak | ||
| Atōr: Kate Greenhouse • Dov Tiefenbach Gordon Currie • Iris Graham • David Calderisi Aidan Devine • Bruce McFee • Jeff Seymour | ||
| Müsica: E.C. Woodley | ||
| Léngua: Ingléś | ||
| Dürä dal film: 80 minüt | ||
| Nasiōṅ: Cànada | ||
The Dark Hours (Gl'óri scuri) 'l è 'n thriller canadéś dal 2005 ad Paul Fox scrit par Wil Zmak.
La pelìcula, custàda sincsènt-mila dòlar canadéś, l'à vins soquànt prèmi in gir p'r al mónd.
Sunt
[mudéfica la surzéia]La Samantha (Kate Greenhouse) l'è na psicòluga ch'la lavóra in un sèntar par criminài ciucâ in dla suca. Purtròp al sò matrimòni cun David Goodman (Gordon Currie) al n và minga tant bèṅ ma qvél ch'l è pèś l'è la sò salùt parchè la gh'à 'n cànc'r a 'l sarvèl ch'a n s pōl minga uperàr. Insém i dū i gh'aṅ un caṅ marunsèṅ ciamâ Briśa ch'al gh salta sèmp'r adòs e ch'al sarvìs anc a paràr via i testimòṅ ad Géuva.
Na sira la Samantha la cònta a sò marè e a sò surèla più pìcula ch'la s cata òspit da lē, la Melody (Iris Graham), ch'al càncar 'l è dvintâ tut 'd un cōlp bèl grôs e ch'a n gh'è più gnint da far. A 'n sèrt punt a sòna a 'l us un ragàs ciamâ Adrian (Dov Tiefenbach) ch'l è drē a murìr dal fréd parchè fóra a gh'è tut ślâ. La Samantha la gh śibìs ad vgnir dènt'r e 'd scaldàr-as davànti a 'l fōg dal camèṅ. Al śōvan al bév un cafè cald pò al tir fóra na pistòla e 'l masa 'l caṅ. In dal cottage di Goodman a riva anc un pasiènt dla Samantha sasèṅ e viulentadōr, Harlan Pyne (Aidan Devine), ch'l è 'd acòrd cun Adrian par vindicàr-as dla dutōra.