The Alibi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Alibi
The Alibi
Alibi.png
La Romijn e Steve Coogan in na figùra dal film
’L àlibi
2006
Regia: Matt CheckowskiKurt Mattila
Scritùr: James Cameron
Atùr: Steve CooganRebecca RomijnSelma Blair
Henry RollinsJames BrolinJohn Leguizamo
James MarsdenJerry O'ConnellSergio Bruna
Deborah Kara UngerSharon Lawrence
Müsica: Alexandre Desplat
Lengua: Ingléś
Dürä dal film: 90 minüt
Nasiòṅ: Stat UnîUlànda


«
Î'v prugramâ 'n apuntamènt a 'l óra 'd pranś o na relasiòṅ pruibìda e n vlî'v briśa che qualchindòṅ a v capèla? Gh'î'v biśógn 'd 'n àlibi? Alóra Ray Elliot 'l è chè par jutàr-uv.»
(Tagline dal film)


The Alibi (’L àlibi) l'è na cumèdia dramàtica dal 2006 ad Matt Checkowski e 'd Kurt Mattila vgnuda fóra diretamènt p'r al marcâ d'l home video.

In di Stat Unî 'l è cgnusùda anc c'n al tìtul ad Lies and Alibis.

Sunt

Ray Elliot (Steve Coogan) al gh'à n'agensìa ch'la mét in pē di àlibi par la gint ch'la vōl far i còr'n a i sò spóś sénsa cùr'r al risć 'd èsar bcâ. Esénd che quàt'r óm su déś e na dóna su déś i al fànan durànt al matrimòni, acsè i s dìś'n al statìstichi, quàl lè 'l è 'n mistēr ch'al gh fruta dimóndi. A jutàr-al a gh'è 'l sò amìg Putty (Henry Rollins) e, da pôc, anc la Lola (Rebecca Romijn).

Dòp avér jutâ soquànti vòlti Robert Hatch (James Brolin) a far-la franca cun sò mujér, la Judith (Sharon Lawrence), chi lò al dmanda a Ray ad strulgàr quèl anc par sò fiōl Wendell (James Marsden) ch'al gh'à da spuśàr-as ma prima al vōl dar gl'ùltim cōlp a la sò amànta, l’Heather (Jaime King), fidansàda a sò vòlta c'n un mesicàṅ gelóś, Hannibal (John Leguizamo). Ray al prenòta na cambra 'd albêrg a sò nóm e al gh dà la sò carta 'd crèdit tarucàda in dla foto, pò al và a 'l sò pòst a 'n cunvégn acsè che tut i pòsan pinsàr che Wendell al sia andâ a lauràr dabòṅ. Durànt la nòt l’Heather la gh admànda ad gusàr-la stricànd-'g al còl cun na fasōla 'd pèl, acsè 'd armàgnar sénsa fiâ durànt al gudiōl. La ragàsa la gh diś ad mulàr la strica sōl quànd la gh dirà “guma” ma la n gh la cava mia a vèrar bóca e la mōr. Wendell al teléfuna dasprâ a Ray ch'al gh manda Putty a tōr al cadàvar ma 'l è ciàr ch'adès 'l è in dla mèrda anc lò parchè la cambra e i pagamènt i èṅ a sò nóm.

Ray al s fà dar indrē la carta 'd crèdit, pò al denùnsia ch'al l'à pardùda e al dmanda a la Lola ad dir ch'l è stâ sèg a cà sua tuta la nòt, in fiṅ a nóṿ óri dla matìna.

Culegamènt estéran