Template:PP/Vetrina/11
Artéccol in dialàtt bulgnaiṡ
Vincent Willem Van Gogh (1853-1890) l é stè un pitåur postinpresiunéssta ulandaiṡ.
L êra nèd al 30 ed mèrz dal 1853 a Zundert (Olanda), fiôl d un caplàn prutestànt.
Stòria[mudéfica la surzéia]
Anc da żåuven l êra dimónndi scalmanè e difézzil. Quasst al fèva una persåṅna ch'an s psèva brîṡa tgnîr da cånt. Ed 27 ân al lavuré int na galerî d èrt, studié franzaiṡ e teologî e lavuré cme caplàn int äl minîr ed Wasmes, in Bêlż. Dal 1886 l andé a Parîṡ par vîver cun sô fradèl Théo Van Gogh, ch'al vindêva èrt.
Dal 1888 al va vî da Parîṡ e as trasferéss pió żå mo sänper in Fränza, a Arlés. Ed ste tänp al tâca a druvèr äl pnelè ṡbliṡgânti e i culûr grîṡ, vaird, zilèst fétt, ch'i disténguen tótt i sô quèder. Al cunvénz anc al pitåur Paul Gauguin, ch'l avêva cgnusó a Parîṡ, d andèr cun ló a Arlès.