Vincent van Gogh

Da Wikipedia.

Provincia di Bologna-Stemma.png Artéccol in dialatt bulgnais Bologna-Stemma.png

Dipént ed Vincent van Gogh ch'al s fè da par lò

Vincent Willem Van Gogh (1853-1890) l'è stè un pitåur postimpressiunéssta olandais. L'era nèd al 30 ed märz dal 1853 a Zundert (Olanda), fiòl d'un caplàn prutestant.

Stòria[modifica | mudéfica la surzéia]

Anch' da zùvin l'era dimondi scalmanè e diffèzzil. Quasst al fèva una persòna ch'an s psèva brîsa tgnîr da cånt. Ed 27 an al lavurè int'na galerî d'èrt, studié franzais e teologî e lavurè cme capelàn int'al minîr ed Wasmes, in Bélz. Dal 1886 l'andè a París par vîver cun so fradèl Théo Van Gogh, ch'al vindeva èrt.

Dal 1888 al va vî da París e as trasferéss piò zå mo sänper in Fränza, a Arlés. Ed ste tänp al taca a druvèr al pnelè sblisganti e i culur grîs, vaird, zilèst fétt, chi disténguen tott al so quèder. Al cunvénz anch'al pitåur Paul Gauguin, ch'l aveva cgnossò a Paris, d'andèr cun lò a Arlès. Mänc che du mîs dåpp tachénn a litighèr e Van Gogh al mursghè Gauguin int'un uraccia. Par quall ch'l aveva fatt, Van Gogh al va fora e as taja un uraccia anca lò. I al miténn dänter al sbdäl d'Arlès e al pasè un an int'i matt a Saint-Rémy, tais a la zitè. Anch's la matîsia al tgnéva drî, al va avänti a lavurèr.

Int' i èter mîs al fò supervisionnè d'un mezenèt, ed nomm Paul Gachet, ch'ai farà pò un dipént. Dal 27 ed giòlli dal 1890, as tira 'na stiuptè e al mor dîs mîs dåpp.

Dipént[modifica | mudéfica la surzéia]

Nòtt col strèl
Ritràtt dal Dr. Gachet

I so quèder piò famus én:

  • Tott i girasul
  • La cà ed Van Gogh a Arlés
  • Canp di rotulòn
  • Nòtt col strèl