Taps - Squilli di rivolta

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Taps
Taps - Squilli di rivolta
Taps - Squilli di rivolta.png
Hutton, Cruise e Penn in na figùra dal film
Silénsi fóra urdnànsa - Sunamènt 'd arvòlta
1981
Regia: Harold Becker
Scritùr: Devery Freeman • Robert Mark Kamen
James Lineberger • Darryl Ponicsan
Atùr: Timothy HuttonGeorge C. ScottRonny Cox
Tom CruiseSean PennBrendan Ward
Evan HandlerBilly Van ZandtDonald Kimmel
Müsica: Maurice Jarre
Lengua: Ingléś
Dürä dal film: 126 minüt
Nasiòṅ: Stat Unî


«
Cla scóla chè l'è cà nòstra, a pinsém ch'a vaga la péna diféndar-la.»
(Tagline dal film)


Taps - Squilli di rivolta (Silénsi fóra urdnànsa - Sunamènt 'd arvòlta) 'l è 'n film dramàtic dal 1981 'd Harold Becker trat da 'l rumànś umònim ad Devery Freeman.

La pelìcula l'à muciâ sù da piò ad trénta-sinc migliòṅ ad dòlar in tut a frònt 'd un cóst ad quatórdas.

Sunt

In dal culéǵ militàr Bunker Hill di Stat Unî al generàł Harlan Bache (George C. Scott) al mét in dla suca di sò studènt, śuvnòt ma anc baghét, i cuncèt dal rispèt e d'l unōr prima 'd tut, anc dla vita. Al cadét magiōr Brian Moreland (Timothy Hutton), ch'l è a 'l ùlt'm an e ch'al vrév pò pasàr a l'acadèmia ad West Point, al gh tîṅ adrē a la létra. Dòp èsar stâ prumòs, al ragàs al vèṅ a savēr ch'al guèr'n americàṅ 'l à decìś ad s'ràr la scóla e tiràr śò tut par far sù un cumplès edilìsi residensiàł e anc s'al generàł al n s vōl minga dar-ag sù par difénd'r i sò sènt-trénta studènt, al spransi i èṅ pôchi dimóndi.

Na sira, durànt un bal a scōla in dua i cadét i faṅ da cavalēr par soquànti ragàsi a 'l debùt, un grup ad ragàs dal pòst catalît al taca na casutarìa cun soquànt mémbar dla scōla e in cal caśèṅ lè a Bache a gh partìs un cōlp ch'l in masa òṅ. Al generàł al vèṅ arestâ subìt e acsè al guèr'n al tōś l'ucaśiòṅ par far sù baràca e buratèṅ incóra prima ma i studènt, capśâ par Moreland, i s arvòltan lugànd tut gl'armi e parànd via i pulisiòt ch'i éran rivâ lè par tōr-i.

Insém a i sò cumpàgn ad cōrs, i capitàṅ David Shawn (Tom Cruise) e Alex Dwyer (Sean Penn), Brian al n s tira indrē 'd un milimétar anc quànd a riva lè na delegasiòṅ dal fòrsi armàdi c'n a cap sò pàdar, al sergînt magiōr Kevin Moreland (Wayne Tippit), par tratàr e par cunvìns'r-i a cédar ma a n gh'è mia vèrs anc se tgnir tèsta a 'l eśèrcit americàṅ 'l è 'n quèl impusìbil.

Culegamènt estéran