Seduzione pericolosa

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Sea of Love
Seduzione pericolosa
Seduzione pericolosa.png
L'Ellen Barkin e Al Pacino in na figùra dal film
Sedusiòṅ periculóśa
1989
Regia: Harold Becker
Scritùr: Richard Price
Atùr: Al PacinoJohn GoodmanEllen Barkin
Michael RookerWilliam HickeyRichard Jenkins
Müsica: Trevor Jones
Lengua: Ingléś
Dürä dal film: 112 minüt
Nasiòṅ: Stat Unî


«
'L è drē a pascàr un sasèṅ, ma 'l à catâ un qualchidòṅ ch'al prév èsar 'l amōr dla sò vita... o la sò fiṅ.»
(Tagline dal film)


Seduzione pericolosa (Sedusiòṅ periculóśa) 'l è 'n thriller dal 1989 'd Harold Becker. La pelìcula l'à muciâ sù da piò ad sènt-déś migliòṅ ad dòlar quànd la 'n éra custàda sōl daśnóṿ.

In na part pìcula a s véd anc Samuel L. Jackson.

Sunt

Al detective Frank Keller (Al Pacino), dòp ès'r-as divursiâ da sò mujér ch'la s è misa c'n al sò culéga Gruber (Richard Jenkins), adès al viṿ da par lò e 'l è dvintâ 'n mèś imbariagòs. In tut al manéri, anc dòp vint an in servìsi, 'l è dimóndi tacâ a 'l sò mistēr ch'l è armàś al sōl quèl ch'al gh dà la fòrsa p'r andàr avànti.

Keller, insém a 'l sò culéga Sherman (John Goodman), al gh'à da catàr al respunsàbil ad soquànt masamènt a sfónd sesuàl. I dū i crédan ch'a gh sia insaplàda na dóna parchè davśèṅ a 'l cadàvar 'd 'n óm nûd cupâ a pansa in śò in sal lèt mént'r al scultàva un vèć disc a 45 gir, Sea of Love ad Phil Phillips, i aṅ catâ na cica śmòrsa cun dal rusét insìma. Andànd-'g a fónd i capìsan ch'al dū vitmi i ìvan mis 'n anùnsi in rima su 'n giurnàl par cōr sulitàri. Quànd i 'n bècan 'n àtar ch'al fà cumpàgn, Raymond Brown (Michael O'Neill), i próan a far-ag dal dmandi par savér s'l éra andâ cun na qualcdùna ma chi lò al diś ad nò, anc parchè 'l è spuśâ e cun di fiōi. A sucéd però che soquànt dè dòp 'l óm al vèṅ catâ mòrt cavâ śò a lèt.

Frank al decìd acsè ad métar di anùnsi in rima anca lò par védar s'l è bòṅ 'd avér 'n apuntamènt cun l'asasìna. In cla manéra lè al cgnós l’Helen Cruger (Ellen Barkin) ma invéci ad tōr-ag gl'imprónti di dî al finìs p'r inamuràr-as e andàr-'g a lèt.

Culegamènt estéran