Sybille Bammer
|
C'l artìcul chè 'l è scrit in
Miranduléś |
.jpg)
La Sybille Bammer (Linz, 17 'd Avrìl dal 1980) l'è stada na tenìsta austriàca, ch'l'à śugâ fra 'l prufesiunìsti da 'l 1997 a 'l Luj dal 2011. L'è élta 174 cm e la péśa 63 chilo.
A gh piàś siàr, andàr i si pàtin e al magnàr itagliàṅ. I sò amìg i la ciàman Bille.
L'è stada la nùmar daśnóṿ dal mónd al 17 ad Dicémbar dal 2007 e in dla sò caréra l'à vins nóṿ tìtui ITF e dū ad qvéi WTA, 'l 11 ad Favràr dal 2007 a Pattaya cóntar la Gisela Dulko par 7–5 3–6 7–5 e al 19 ad Luj dal 2009 a Praga cóntar la Francesca Schiavone par 7–6 6–2. La s è misa in bisàca da piò ad dū migliòṅ ad dòlar prima ad dar-'g un taj.
In di turnèo dal Gran Slam l'è stada bòna ad rivàr in dal 2007 par dū vòlti in di quàrt. 'L è sucès par la prima vòlta a 'l Roland Garros quànd l'à batû la Roberta Vinci e la Na Li in di utàṿ prima ad pèrdar da la Justin Henin par 6-2 6-4 e pò anc in di US Open in dua l'iva fat fóra l'Elena Dement'eva prima ad cédar a la Jelena Janković par 4-6 6-4 1-6.