Stranger Within - L'Inganno
|
C'l artìcul chè 'l è scrit in
Miranduléś |
 Stranger Within
| ||
| The Stranger Within - L'Inganno | ||
 La Warren e Kim Bodnia in na figùra dal film | ||
| Al furastēr dèntar - 'L ingàn 2013 | ||
|---|---|---|
| Regìa: Adam Neutzsky-Wulff | ||
| Scritōr: Adam Neutzsky-Wulff | ||
| Atōr: William Baldwin • Vivienne McKee Estella Warren • Kim Bodnia • Sarah Butler Jeffrey Pierce • Katia Winter • Gadi Cimand Claire Ross-Brown • Jon Pihl • Ole Dupont | ||
| Müsica: Søren Hyldgaard | ||
| Léngua: Ingléś | ||
| Dürä dal film: 90 minüt | ||
| Nasiōṅ: Danimàrca | ||
The Stranger Within - L'Inganno (Al furastēr dèntar - 'L ingàn) 'l è 'n thriller danéś dal 2013 'd Adam Neutzsky-Wulff ch'al 'l à anc scrit.
'L è stâ girâ a Cupenàghen, a New York e a Majòrca c'n un budget stimâ 'd utsènt-mila dòlar.
Sunt
L'atōra 'd sucès Emily Moore (Estella Warren) l'è spuśàda c'n al psicòlug Robert (William Baldwin) e la gh'à 'd avēr fiōl sèg. Na sira, méntar la và a tōr la màchina in un parchéǵ in di scantinâ 'd un palàs, la vîṅ ciapàda cun la fòrsa e purtàda via da 'n manìac c'n un capùs in cô (Kim Bodnia) ch'al la mét par soquànt dè impicàda p'r ària in un sac ad plàstica e pò al la viulénta in na casa da mòrt.
La pulisìa la gh la cava però a salvàr-la in tèmp mént'r al manìac 'l è via ma l’Emily, ch'in cal méntar l'à pardû al putèṅ, la crōda a livèl mentàł tant ch'l'è custréta a 'ndàr prima da na psicòluga e pò a tōr-as soquànti stmani par far na vacànsa in n'ìśula dla Spaggna insém a sò marè sprand ad daśmindgàr incòsa. In na giurnàda 'd timpèsta, in dal cōr dla nòt, a riva in dla sò cà na turìsta americàna ad darsèt an tuta spavintàda, la Sarah (Sarah Butler), parchè 'l sò muróś 'l è mòrt cascànd śò da 'n bric ad maśàgni. Robert al gh śibìs 'd armagnàr lè par soquànt dè.
Dascurénd c'n al sò agint Michael (Jeffrey Pierce), l’Emily la gh diś ch'la vōl far di film e minga lauràr a teàtar parchè lè la n s cumpatìs piò la manéra ch'i gh'aṅ tut ad tgnir-la 'd òć dòp qvél ch'a gh'è sucès. Purtròp par lē l'è pròpria 'n periudàs, la fà fadìga a catàr di rōi, e gnanc i gh i śibìsan piò a dir-la tuta, sò marè al pasa sèmpar più tèmp cun la Sarah e lē la taca a 'vér di arbgàt a òć avèrt dna sèrta Sophie (Katia Winter), na ragàsa ch'la s éra tòlta la vita soquànt an prima dòp che lē la gh'iva fargâ 'l muróś.