Steve Bannon

Da Wikipedia.
C'l artìcul chè 'l è scrit in Miranduléś Emiliàn
Steve Bannon tòlt śò in dal 2010


Stephen Kevin Bannon, cgnusû méj cuma Steve Bannon (Norfolk, 27 ad Nuvémbar dal 1953) 'l è 'n giurnalìsta, regìsta, prudutōr ad film e pulìtig americàṅ, espunènt dla curènt republicàna dla dèstra suvranìsta biànca Alt-right. 'L à anc fat al broker par la Goldman Sachs.

'L à prudót i film Lupo solitario ad Sean Penn (1991) e Titus dla Julie Taymor (1999) e dirèt soquànt ducumentàri cuma Undefeated (in unōr dla Sarah Palin) e Battle for America (dedicâ a 'l Tea Party).

Da 'l 20 ad Śnar dal 2017 a 'l 18 'd Agóst dal 2017 'l è stâ 'l cap stratéga dal 45śum presidènt di Stat Unî Donald Trump. Dòp i fat dla manifestasiòṅ Unìr la Dèstra dal 2017 a Charlottesville, in du a gh'è stâ 'n mòrt e dimóndi frî, Trump al 'l à licensiâ. Dòp avér cumintâ che “La presidénsa ch'a-j-ém tut lutâ par lē l'è finìda”, Bannon 'l à decìś ad turnàr a far al diretōr dal sit internet ad dèstra pēśa Breitbart News ch'l iva purtâ avànti da 'l 2012.

Culegamènt estéran