Stecadènt

Da Wikipedia.

C'l artìcul chè 'l è scrit in Miranduléś Emiliàn

Stecadènt in bóca, un quèl da vilàṅ


Al stecadènt (stuzzicadenti in Itagliàṅ) 'l è 'n strumènt ad légn druâ par cavàr via i cunsèṅ ad magnàr ch'i s insfìlsan fra i dènt durànt i past. 'L è 'n quèl dimóndi sutîl e da 'l dū bandi incóra da piò esénd fat a punta.

Al stecadènt 'l è stâ invintâ in di tèmp antîg, al gh'éra anc in Meśuputàmia, e praticamènt tut i pòpui i al dróan da sèmpar. In dal cōrs dal XXVII sécul la gint cun di bèsi i s in fàvan far anc cun di metài presióś.

I dentìsta dal dè 'd incō i cunsìlian però 'd druàr di àtar bagàj par tgnir pulî i dènt cuma 'l spasulèṅ, al fił intedentàł e 'l scuvlèṅ parchè druànd di stecadènt a s và in a risć ad dar fastìdi a 'l gingìvi.

'L è anc druâ in cuśìna quànd a gh'è da tgnir fér'm al magnàr, cum a sucéd p'r i fagutèṅ, o par dar la manéra 'd tiràr sù di bcòṅ ad magnàr, in gènar di antipàst, cuma ulìvi o di quadartèṅ ad furmàj o 'd salsìsa.

Prim piàṅ 'd un stecadènt

Da spés i stecadènt insfilsâ in dal magnàr i èṅ sarvî cun na bandéra 'd carta tacàda in élt quànd cal raśdóri i gh tîn'n a figuràr bèṅ.

Àtar prugèt

Culegamènt estéran