Dialèt arzân

Artécol in dialèt arzân

Al dialèt arzân l'é al dialèt ch'as pêrla a Rèz Emélia e ind la só pruvîncia. L'é òna dal lèngui ed eml.wiki, l'enciclopedéia in dialèt emiliân-rumagnôl.

Al persòuni vèci a pêrlen quêsi tóti al dialèt, perché préma che a rivés la televisiòun in campâgna as saîva mìa parlêr in italiân. I zuvnôt, invêci, a pêrlen pió ch'êter l'italiân, mó chi al gh'à in cà di vèc l'à imparèe un pô ed dialèt ânca ló.

Al dialèt al câmbia in dla pruvîncia, per esèimpi, in muntâgna, a pêrlen cun al vochêli pió sarêdi e al consonânti sôrdi, invêci in dla bâsa gh'é un dialèt ch'l'è quêsi mantvân, e al gh 'à al vochêli dimòndi avêrti.