Parì

Artéccol in dialètt mudnés

Parì (in itagliàn Parigi, in francés Paris) l'è la capitèla d'la Franza. L'è anc la sitê piô afuléda dal paés, al zänter ed la región ed l'Îsla ed Franza e l'ùnic cumûn che l'è anc dipartimèint.

Panoràma ed la Tór Eiffel a Parì

In dal 2009 e 2010 Parì l'è stéda clasificheda in di 3 sitê piô important e influèint dal mànd, in di 3 "sitê europee dal futur" secànd na rizérca dal Financial Times e in di prèm 10 sitê al mànd "indòvv viver" secànd la rivèsta inglêsa Monocle. Prèma sitê per importânsa stra quî chi én in d'l'Euro, la capitèla francésa l'è anc stra quî chi sràn economicamèint piô importànti dal mànd in dal 2020 e 2025, insàm a Sciangài, Tokyo, San Paolo, Nóva York e Lòndra.

Con piô ed 45 miliòn ed turèsti l'è la sitê e anc al lôg piô visitê dal mànd. Secànd l'Economist l'è anc la piô chéra dal mànd. L'è la quinta sitê piô afuléda d'Europa, con 2.203.817 cristiàn, ciamé pariséin. Al vol però considerê che l'insàm urban l'è di mandi piô gros: l'area metropolitàna ed la Gran Parì la g'ha 12 miliòn ed cristiàn, la tersa piô afuléda d'Europa dôp Måsca e Lòndra.