South from Granada
|
C'l artìcul chè 'l è scrit in
Miranduléś |
 Al sur de Granada
| ||
| South from Granada | ||
 La Sánchez e Goode in na figùra dal film | ||
| A sud ad Granàda 2003 | ||
|---|---|---|
| Regìa: Fernando Colomo | ||
| Scritōr: Gerald Brenan • Fernando Colomo Jonathan Gathorne-Hardy • Miriam Ruiz | ||
| Atōr: Matthew Goode • Jessica Kate Meyer James Fleet • Guillermo Toledo • Ángela Molina Verónica Sánchez • Consuelo Trujillo • Bebe Laurence Fox • Antonio Resines • Juan Margallo | ||
| Müsica: Juan Bardem | ||
| Léngua: Spagnōl • Ingléś • Latìn | ||
| Dürä dal film: 111 minüt | ||
| Nasiōṅ: Spaggna | ||
South from Granada (A sud ad Granàda) l'è na cumèdia dal 2003 ad Fernando Colomo candidàda a sinc Prèmi Goya dal 2004, visidōra 'd qvél par la culòna sunóra 'd Juan Bardem.
Sunt
Gerald Brenan (Matthew Goode) 'l è 'n scritōr ingléś ch'a 'l inìsi di an Vint al sa stablìs in un paiśèṅ spagnōl a sud ad Granàda tulénd in afìt na cà da Don Fernando (Roberto Quintana). A jutàr-'l in di fat e a cuśinàr a gh pénsa la María (Consuelo Trujillo), màdar dna ragàsa in età 'd marè, l’Ángeles (Bebe), méntar lò 'l dvénta amìg dal squasa-marléti Paco (Guillermo Toledo).
Un dè i rìv'n a catàr-al da 'l Régn Unî i sò amìg Lytton Strachey (James Fleet), ch'l è malâ, Ralph Partridge (Laurence Fox) e la Dora Carrington (Jessica Kate Meyer), na ragàsa che lò 'l éra inamurâ ma ch'adès la s è misa pròpria cun Ralph. La María la vrév che Gerald al butìs gl'òć su sò fiōla ma lò al s è inamurâ dla Juliana (Verónica Sánchez), na ragàsa pòvra 'd séd'ś an che tut in paéś i crédan ch'la sia fiōla dna stria. Quànd lē l'armàgn insìnta 'd lò, Brenan al partìs par l'Inghiltèra in du al sa spóśa cun la Gamel Woolsey (Sandra Wahlbeck). Tri an dòp 'l óm al tórna in Andaluśìa par védar sò fiōla e la Juliana, rabìda sèg, al gh la dà par far in manéra che la putìna la n gh'àppia briśa un destîṅ da strasòna cuma lē.