Soul Asylum

C'l artìcul chè 'l è scrit in Miranduléś

«

Can you help me remember how to smile, make it somehow all seem worthwhile, how on earth did I get so jaded, life's mystery seems so faded, I can go where no one else can go, I know what no one else knows, here I am just drownin' in the rain with a ticket for a runaway train, everything is cut and dry, day and night, earth and sky, somehow I just don't believe it, bought a ticket for a runaway train, like a madman just a laughin' at the rain, little out of touch, little insane, just easier than dealing with the pain. Runaway train never comin' back.»

(EN)(Runaway Train, 1992)

«

Pó't jutàr-'m a far vgnir-'m in mènt cum a s fà a ridàr? Fà'l in na manéra basta ch'a sia e tut a tacarà a 'vér un sèns, cuma ò-j-a psû ardùr-'m acsè? Al mistēr dla vita al pâr cum un quèl da gnint, a pòs andàr in dua ninsòṅ a pōl andàr, mè a sò qvél che ninsòṅ àtar al sà, chè a sòṅ sōl drē a pèrdar tèmp cun un bijét p'r un trèṅ fóra cuntròl, tut 'l è ruinâ e séc, la nòt e 'l dè, la tèra e 'l cēl, in tut al manéri a n pòs minga crédar 'd avér cumprâ un bijét p'r un trèṅ fóra cuntròl, cum un mat ch'al s la rid sóta la piòva, un pôc fóra da 'l mónd, un pôc insiminî, in tut al manéri più fàcil che cumpatìr-'s al dulōr. Al trèṅ fóra cuntròl al n turnarà mai più indrē.»

(MUD)

I Soul Asylum i èṅ un grup americàṅ, uriginàri dal stat dal Minneśòta, ch'al sòna al rock alternatìṿ.

Biugrafìa

Al grup al tōś vita in un garàǵ ad Minneapolis in dal 1981: Karl Mueller a 'l bas, Dan Murphy a la chitàra e Dave Pirner a la baterìa. I tri i sarnìs'n al nóm ad Loud Fast Rules. Dū an dòp a s śònta Pat Morley e 'l cantànt Dave al pōl pasàr acsè a la chitàra.

Par na cà discugràfica indipendénta, e cun al nóm cambiâ in Soul Asylum, al grup al fà vgnir fóra al sò prim lavōr in dal 1984 Say What You Will, Clarence...Everything Can Happen. Dòp àtar dū àlbum, la banda la firma 'n cuntràt par la A&M Records e sèg la fà catàr in di negòsi in dal 1988 al disc Hang Time.

Al sucès mundiàl par lōr al riva in dal 1992 cun Grave Dancers Union e 'l sìngul Runaway Train ch'al vins un Grammy cuma canta d'l an. 'L àlbum al rèsta in clasìfica in di prim vint pòst par 76 stmani ad fila, vindénd da piò ad 2 migliòṅ ad còpi. In dal 1995 l'è la vòlta ad Let Your Dim Light Shine cun al sìngul Misery.

Al 28 ad Śugn dal 1997 al grup al tîṅ un cuncèrt ad beneficénsa par l'aluviòṅ dal Red River dal 1997. La registrasiòṅ la vèṅ pò misa su disc in dal 2004 p'r al lōr prim àlbum da 'l viṿ After the Flood: Live from the Grand Forks Prom, June 28, 1997 ch'al gh'à dèntar anc dal cover cuma qvéla ad School's Out 'd Alice Cooper ch'la vèra 'l disc.

'L an dòp, al 17 ad Śugn, a mōr ad càncar a 41 an al basìsta Karl Mueller. Par lò al grup al dà vita a 'l àlbum The Silver Lining dal 2006, un lavōr in dua lò 'l éra stâ bòṅ, anc se malâ, ad sunàr al bas in dagnóra tut i pès. Siē an dòp a véd la luś, par la 429 Records, Delayed Reaction al dècim disc da studi dal grup.

Furmasiòṅ

Quéla 'd adès

David Pirner vóś e chitàra
Dan Murphy chitàra 'd acumpagnamènt
Tommy Stinson bas
Michael Bland baterìa

Discugrafìa

Àlbum in studi

1984 - Say What You Will... Everything Can Happen
1986 - Made to Be Broken
1986 - While You Were Out
1988 - Hang Time
1990 - And the Horse They Rode In On
1992 - Grave Dancers Union
1995 - Let Your Dim Light Shine
1998 - Candy from a Stranger
2006 - The Silver Lining
2012 - Delayed Reaction

Àlbum da 'l viṿ

2004 - After the Flood: Live from the Grand Forks Prom, June 28, 1997

Racòlti

1986 - Time's Incinerator
2000 - Black Gold: The Best of Soul Asylum
2006 - Closer to the Stars: Best of the Twin/Tone Years
2007 - Welcome To The Minority – The A&M Years 1988-1991

EP

1989 - Clam Dip & Other Delights

Culegamènt estéran