Soldi sporchi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg A Simple Plan
Soldi sporchi
Soldi sporchi.png
Thornton, Paxton e Briscoe in na figùra dal film
Bèsi muśnènt
1998
Regia: Sam Raimi
Scritùr: Scott B. Smith
Atùr: Bridget FondaBilly Bob Thornton
Bill PaxtonBecky Ann BakerGary Cole
Brent BriscoeJack WalshChelcie Ross
Müsica: Danny Elfman
Lengua: Ingléś
Dürä dal film: 121 minüt
Nasiòṅ: Stat UnîGermàgnaRégn Unî
FrànciaGiapòṅ


«
Dal vòlti al bravi parsòni i faṅ di quèi catìṿ.»
(Tagline dal film)


Soldi sporchi (Bèsi muśnènt) 'l è 'n film thriller dal 1998 ad Sam Raimi, candidâ a dū Prèmi Òscar.

Custâ darsèt migliòṅ ad dòlar a 'l incìrca, al 'n à purtâ a cà àtar tant.

Sunt

I fradèi Hank (Bill Paxton) e Jacob Mitchell (Billy Bob Thornton), insém a 'l amìg ad qvést chè Lou Chambers (Brent Briscoe), i càt'n un muć ad bèsi in di rutàm 'd 'n aparéć cascâ śò in un bòsc in mèś a la néṿ. Dòp 'n àtim in dua i n saìvan minga cuśa far, i decìd'n a tgnir-i, tgénd a drē anc a 'n cunsìli dla mujér 'd Hank (al più fùrub di tri), la Sarah (Bridget Fonda). Jacob invéci al pâr un pôc insiminî tant ch'al và a cuntàr a 'l sierìf Carl Jenkins (Chelcie Ross) 'd avér sintî 'l armōr 'd 'n aparéć, andànd acsè in a risć ad mandàr a gl'urtìghi i piàṅ di tri.

Ma a n è minga lò al perìcul più grand p'r al grup ma 'n vèć cuntadèṅ ciamâ Dwight (Tom Carey) che, andànd a casa, 'l éra drē a vśinàr-as tròp a i rutàm, tant che i fradèi Mitchell i èṅ custrét a cupàr-al cavand-'g-la però a far-al pasàr p'r un incidènt.

Pròpria quànd a pâr ch'a vaga tut bèṅ e Hank al taca a pinsàr cuśa far dla sò mità di bèsi (sò mujér la gh'à anc abû na fiōla in cal méntar) a salta fóra 'n àtar prubléma: Lou 'l è in buléta sparàda e al vōl subìt la sò part par pagàr di dèbit. Vgnû pò a savér dal masamènt dal vèć da part ad cal minciòṅ ad Jacob, Lou al taca a ricatàr Hank.

Culegamènt estéran