Slither (film 2006)
|
C'l artìcul chè 'l è scrit in
Miranduléś |
 Slither
| ||
.png) La Tania Saulnier in na figùra dal film | ||
| Traśàr 2006 | ||
|---|---|---|
| Regìa: James Gunn | ||
| Scritōr: James Gunn | ||
| Atōr: Michael Rooker • Elizabeth Banks • Iris Quinn Nathan Fillion • Brenda James • Tania Saulnier Don Thompson • Xantha Radley • Dustin Milligan Lorena Gale • Jennifer Copping • Haig Sutherland Gregg Henry • Darren Shahlavi • Dee Jay Jackson | ||
| Müsica: Tyler Bates | ||
| Léngua: Ingléś | ||
| Dürä dal film: 95 minüt | ||
| Nasiōṅ: Cànada • Stat Unî | ||
Slither (Traśàr) 'l è 'n film ad scarésa dal 2006 scrit e dirèt par James Gunn.
La pelìcula l'à fat sù dódas migliòṅ e òt ad dòlar dòp ès'r-an custàda quìndas.
Sunt
Un meteurît cun dènt'r un parasìta aglièṅ al sa stiànca 'd nòt in un bòsc dla Carulìna dal Sud, darènt a la sitadìna 'd Wheelsy. In cal méntar la Brenda Gutierrez (Brenda James), sénsa che sò marè (Darren Shahlavi) al saìs gnint, la s véd in cal pòst là insém a 'l sò amànt Grant Grant (Michael Rooker), stuf da 'l fat che sò mujēr Starla (Elizabeth Banks) la n gh'is mai vója. A 'l impruvìś da i rèst meteurît a partìs un bśî ch'al s insfìls' in dal pèt d'l óm par pò stablìr-'s in dal sarvèl tulénd al sò cuntròl.
Grant al taca a 'vēr na fam da lóv ad carna, al s mét a magnàr dal bèsti ch'al cata in gir cuma caṅ e vachi, pò al taca a strasfurmàr-'s in 'n móstar tentaculàr. La sò amànta, purtàda in un fnil bandunâ, la dvènta sèmpar più grôsa a fòrsa 'd magnàr dla carna, pò a 'l impruvìś la scòpia parchè impinìda 'd parasìta, ch'al gh'iva pasâ Grant, carsû dènt'r ad lē e ch'i sumìlian a 'n misćiùs fra 'n lumagòt e na sangvétula. Cal bèsti lè i tàc'n a traśàr via dapartùt andànd in gir a pascàr la gint dal paéś. Andànd-ag dèntar par la bóca i trasfórm'n in śómbi da i scaràć curuśìṿ al sò vitmi, sugèt bòṅ sōl par purtàr dl'atra carna a Grant.
La Starla, insém a 'l sò èx muróś pulisiòt Bill Pardy (Nathan Fillion) e a na scampàda da gl'atàc di lumagòt sasèṅ, la Kylie Strutemyer (Tania Saulnier), la próa a farmàr la minàsa 'd sò marè.