Shriek - Hai impegni per venerdì 17?

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Shriek If You Know What
I Did Last Friday the Thirteenth
Shriek - Hai impegni per venerdì 17?
Shriek - Hai impegni per venerdì 17.png
L'Aimee Graham in na figùra dal film
Ùral - Sē't impgnâ par Venardè 17?
2000
Regia: John Blanchard
Scritùr: Sue Bailey • Joe Nelms
Atùr: Majandra DelfinoHarley CrossJulie Benz
CoolioSimon RexSteven Anthony Lawrence
Rose MarieAimee GrahamChris Palermo
Kim GreistArtie LangeDanny Strong
Müsica: Tyler Bates
Lengua: Ingléś
Dürä dal film: 86 minüt
Nasiòṅ: Stat Unî


«
In tut i film ad scarésa a gh'è sèmp'r un telèfun ch'a sòna...»
(Tagline dal film)


Shriek - Hai impegni per venerdì 17? (Ùral - Sē't impgnâ par Venardè 17?) l'è na cumèdia ad cretinìśia dal 2000 ad John Blanchard a la manéra 'd Scary Movie, parudìa ad soquànt film ad scarésa cuma Scream, Venerdì 13, So cosa hai fatto, La bambola assassina, Non aprite quella porta, Scanners, Christine - La macchina infernale e dimóndi àtar.

'L è stâ girâ c'n un budget stimâ ad sinc migliòṅ ad dòlar.

Sunt

La Susy (Aimee Graham) l'è na ragasōla piutòst purcùsa ch'la vrév far la stagìsta a la cà biànca. Dòp avér tòlt soquànt film pòr'n a nuléǵ da védar par pasàr-as la sira, cuma Tut i cas par la Mary e I la càrg'n in 101, la ricév na telefunàda da 'n manìac ch'al gh admànda chi gh'è in dla fòsa di Grant. La ragàsa la rispónd Hugh Grant ma pò la s curèś subìt dgénd Cary Grant ma 'l è tròp tard parchè la rispòsta ch'la cònta l'è sèmpar la prima. A n sèrt punt a salta fóra 'l sasèṅ cun na mascra da hockey adòs e 'n curtlàs in maṅ ch'al taca a cùr'r-'g adrē. La Susy la scapa in giardèṅ ma la mōr finénd atàc a 'n aparéć par brustlìr al sinsàli.

La nutìsia la finìs su i giurnài e i studènt dal Lìceo Bulimia Falls i tàc'n a far-'s-la adòs parchè 'l sasèṅ al gh l'à sèg. A s trata dla Martina (Majandra Delfino), dla Barbara (Julie Benz), ad Slab (Simon Rex), ad Boso (Danny Strong) e ad Dawson (Harley Cross). Al pulisiòt ch'al gh'arév da prutèś'r-i, Frollo Sospettini (Tom Arnold), al gh'à sèmpar la tèsta in dal nuvli parchè al pénsa ad cuntìnuv a la giurnalìsta Calamy Jeans (Tiffani Thiessen), una ch'la gh piàś dimóndi.

Culegamènt estéran