Sebastiane
|
C'l artìcul chè 'l è scrit in
Miranduléś |
 Sebastiane
| ||
 Leonardo Treviglio in na figùra dal film | ||
| Sebastiàṅ 1976 | ||
|---|---|---|
| Regìa: Derek Jarman • Paul Humfress | ||
| Scritōr: Derek Jarman • Jack Welch Paul Humfress • James Whaley | ||
| Atōr: Leonardo Treviglio • Richard Warwick Barney James • Neil Kennedy • Donald Dunham | ||
| Müsica: Brian Eno | ||
| Léngua: Latìn | ||
| Dürä dal film: 86 minüt | ||
| Nasiōṅ: Régn Unî | ||
Sebastiane (Sebastiàṅ) 'l è 'n film dramàtic e eròtic britànic dal 1976 ad Derek Jarman, chè a 'l sò debùt, e 'd Paul Humfress, ispirâ in na manéra libra a 'l martìri dal cristiàṅ San Sebastiàṅ.
Preśentâ a 'l Fèstival ad Lucàran, dòp èsar stâ rifiutâ da qvél ad Cannes, 'l è stâ fisćiâ dimóndi da i spetadōr.
La pelìcula l'è stada giràda in Inghiltèra e in Sardéggna par gl'estéran, in dla Còsta Vérda.
Sunt
Sebastiàṅ (Leonardo Treviglio) 'l è 'n suldâ rumàṅ dal III sécul a 'l servìsi d'l imperadōr Diuclesiàṅ (Robert Medley). Suspetâ 'd èsar da la banda di cristiàṅ, al vîṅ mandâ in eśìli su n'ìśula dal mar Mediteràni insém a àtar òt cuma la còpia furmàda da Adriàṅ (Ken Hicks) e Antóni (Janusz Romanov).
Na vòlta lè, ch'a gh'è sōl di óm, un centuriòṅ ciamâ Severus (Barney James) al gh buta 'l òć adòs acsè cuma 'n àtar suldâ, Justin (Richard Warwick).
Severus 'l insìst dimóndi p'r avēr-al ma Sebastiàṅ al decìd però ad reśìst'r a 'l tentasiòṅ. Al centuriòṅ, dimóndi arliâ sèg, al tōś la deciśiòṅ ad giustisiàr-al, ligànd-'l a 'n pâł e masànd-al tirànd-ag dal frési, una a tùran da tut i suldâ.