Se ti mordo... sei mio

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Once Bitten
Se ti mordo... sei mio
Se ti mordo.png
La Lauren Hutton e Carrey in na figùra dal film
S'a t mòrśag... at sē mio
1985
Regìa: Howard Storm
Scritōr: Jonathan Roberts • David Hines
Jeffrey Hause • Terence Marsh
Atōr: Lauren HuttonJim CarreyKaren Kopins
Thomas BallatoreCleavon LittleSkip Lackey
Peggy PopeJeb Stuart AdamsStuart Charno
Glen MauroGary MauroJoseph Brutsman
Müsica: John Du Prez
Léngua: Ingléś
Dürä dal film: 94 minüt
Nasiōṅ: Stat Unî


«
N'aventùra dna nòt cun dal cumplicasiòṅ etérni!»
(Tagline dal film)


Se ti mordo... sei mio (S'a t mòrśag... at sē mio) 'l è na cumèdia americàna dal 1985 dirèta p'r Howard Storm. L'à purtâ a cà déś migliòṅ ad dòlar a frònt dna spéśa ad tri e dū.

Sunt

Par soquànt sècui (quàtar-sènt an a 'l incìrca), la Cuntésa (Lauren Hutton) l'à muciâ sù na scudarìa ad śóvan masć e fémni par far-as cumpagnàr par sèmpar in dla nòt etérna, esénd lē na vampìra. Al gh dà na maṅ in di sò lavōr al sò jutànt chichèṅ négar Sebastian (Cleavon Little). Par scampàr bèṅ e tgnir-as sèmp'r in salùt la gh'à però da bévar tut i an e par tri vòlti, in dal dè 'd Halloween, al sangṿ 'd un śuvnòt vìrgin. Ma 'l è 'n quèl minga facìl da far, specialmènt in chi tèmp mudéran chè in dua i ragasōi i èṅ tut di malnét, a Los Angeles pò a n s in dascór.

In cal méntar al studènt dal licèo Mark Kendall (Jim Carrey) al vrév far na ciuladìna cun la sò muróśa Robin Pierce (Karen Kopins), tant par pruàr 'l efèt ch'la fà, ma chi lē la n è briśa dl'idéa, la gh dmanda 'd aspitàr incóra. Na nòt Mark al và, insém a i sò amìg Jamie (Thomas Ballatore) e Russ (Skip Lackey), in un lucàl par put 'd Hollywood. Chè al cgnós la Cuntésa ch'la gh fà pèrdar la tèsta tant che lò al gh tîṅ adrē quànd chi lē la gh dmanda 'd andàr a cà sèg.

Rivâ in dal sò palàs, la vampìra la gh mòrśga na còsa faghénd acsè la sò prima bvuda. Quànd qvést chè al s darséd, chi lē la gh diś ch'i aṅ fat na ciulàda insém.

Da cal mumènt chè Mark al taca a cumpurtàr-'s in na manéra strana, parànd via la luś e ciuciànd al sangṿ da la carna cruda. Ma la Cuntésa la n gh 'n à mia asè e la s fà na secónda bvuda ad lò.

Culegamènt estéran