Schegge di paura

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Primal Fear
Schegge di paura
Schegge di paura.png
L'Alfre Woodard in na figùra dal film
Scaj 'd paùra
1996
Regia: Gregory Hoblit
Scritùr: William Diehl • Steve Shagan • Ann Biderman
Atùr: Richard GereLaura LinneyJohn Mahoney
Frances McDormandEdward NortonJoe Spano
Alfre WoodardTerry O'QuinnSteven Bauer
Müsica: James Newton Howard
Lengua: IngléśSpagnōl
Dürä dal film: 129 minüt
Nasiòṅ: Stat Unî


«
In tribunàł, a n è mia impurtànt avēr tòrt o ragiòṅ. 'L è impurtànt vìnsar. A tut i cóst.»
(Tagline dal film)


Schegge di paura (Scaj 'd paùra) 'l è 'n thriller giudisiàri dal 1996 ad Gregory Hoblit trat da 'l rumànś śal “Primal Fear” ad William Diehl.

Par cla pelìcula chè, ch'l'è stada bòna 'd far sù da piò ad sènt-dū migliòṅ ad dòlar dòp ès'r-an custàda trénta, Edward Norton 'l è stâ candidâ a i Prèmi Òscar cuma atōr minga prutagunìsta.

Sunt

A séguit dal masamènt d'l arcivéscuv ad Chicago Richard Rushman (Stanley Anderson), 'l avucàt penalìsta Martin Vail (Richard Gere) al decìd ad difénd'r a gràtis al chirichét ad daśnóṿ an Aaron Stampler (Edward Norton), bcâ da la pulisìa tut spòrc ad sànguv in dal méntar ch'al scapàva via da la cà dal religióś. A prucès al s cata cónt'r al prucuradōr distretuàł John Shaughnessy (John Mahoney), amìg ad Rushman e insaplâ in questiòṅ ad speculasiòṅ edilìsia, e 'l pùblic ministēr Janet Venable (Laura Linney), una ch'la gh'à abû in pasâ na relasiòṅ cun Martin e ch'la gh'à 'l brut visi dal fum. A far da giùdas a gh'è la Miriam Shoat (Alfre Woodard), na négra ch'a gh piàś dimóndi alvàr al gòmat e che dònca a n gh'è minga tant da star alégar.

Cal spurcaciòṅ d'l arcivéscuv al custrinśìva Aaron a gusàr la sò muróśa Linda (Azalea Davila) davànti a lò insém a 'n àtar ragàs ciamâ Alex (Jon Seda) méntar lò al tiràva śò incòśa. Par la psicòluga numinàda da 'l tribunàł Molly Arrington (Frances McDormand) al ragàs al gh'à dū persunalità difarènti, qvéla dal ragàs tìmid ch'al tartàja in dal dascórar e qvéla 'd un brut grintèṅ pîṅ 'd arlìa ciamâ Roy ch'al salta fóra quànd chi lò al s sènt in perìcul. Martin al próa a druàr cla carta chè par far asòlv'r al sò cliènt.

Culegamènt estéran