Saw III - L'enigma senza fine

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Saw III
Saw III - L'enigma senza fine
Saw 3.png
Tobin Bell in na figùra dal film
Saw III - 'L enìgma sénsa fîṅ
2006
Regia: Darren Lynn Bousman
Scritùr: James Wan • Leigh Whannell
Atùr: Tobin BellShawnee SmithBahar Soomekh
Angus MacfadyenDonnie WahlbergDina Meyer
Mpho KoahoLeigh WhannellBarry Flatman
Müsica: Charlie Clouser
Lengua: Ingléś
Dürä dal film: 104 minüt
Nasiòṅ: Stat UnîCànada


«
Sî'v prònt a turnàr a śugàr incóra?»
(Tagline dal film)


Saw III - L'enigma senza fine (Saw III - 'L enìgma sénsa fîṅ) 'l è 'n film ad scarésa dal 2006 ad Darren Lynn Bousman, tèrs capìtul dla saga ad Saw tacàda in 2004 cun Saw - L'enigmista e purtàda avànti in dal 2005 cun Saw II - La soluzione dell'enigma. 'L è stâ dedicâ a 'l prudutōr dal primi dū pelìculi, Gregg Hoffman, mòrt in dal 2005 prima che Saw III al fus finî.

Al film 'l à muciâ sù sènt-a-ssantasìnc migliòṅ ad dòlar a 'l incìrca a frònt 'd un budget ad sōi déś.

Sunt

Al detective Eric Matthews (Donnie Wahlberg) 'l è sarâ dènt'r a 'n lìcit parśunēr d'l enigmìsta John Kramer (Tobin Bell) ch'al s fà jutàr in tut qvél ch'al fà da la sò asistènta Amanda (Shawnee Smith) parchè lò 'l è in punt ad mòrt. Al detective al próa a śgar al cadéni ch'al gh'à adòs ma 'l è impusìbil. Al decìd alóra ad tajàr-as via 'n pē ma pò al càmbia idéa, sarnénd invéci ad scavśar-'s-al ad prupòśit par dasfurmàr-al cun na préda. In cla manéra chè 'l è bòṅ ad dasfilsàr-al via e a catàr la libertà. Più dasfurtunâ 'd lò invéci 'l è 'l pòvar Troy (J. LaRose) ch'al sćiòpa p'r ària in na scóla bandunàda parchè al n gh 'l à minga cavàda a sćiancàr-as via gl'anèi da la pèl ch'i gh tgnìvan sòdi la sò carna dapartùt.

In sal pòst a riva l’Allison Kerry, una ch'la cgnós bèṅ 'l enigmìsta, e chi lē la capìs ch'a gh'è quèl ch'a traśa parchè 'l us 'l éra sarâ c'n un cadnàs, dònca a n gh'éra pròpria mia scamp p'r al puvrét e 'l è 'n fat strân parchè quàla lè la n è minga la manéra ad cupàr ad Jigsaw. Adès però a tóca a lē. Qualchidòṅ al la ciàpa e al gh mét na gàbia adòs. Par libràr-as, la dóna la gh'arév da tōr c'n al sò bras la ciàṿ prima ch'la s disfa in fónd a 'n vas pîṅ 'd àcid. Ma la ciàṿ la n vèra minga 'l luchét e par la dóna a n gh'è gnint da far.

In cal méntar la duturésa Lynn Denlon (Bahar Soomekh) la vèṅ purtàda via par l’Amanda par curàr 'l enigmìsta ch'l è mis dimóndi mâl parchè al gh'à 'n prubléma a 'l sarvèl. P'r èsar sicùra ch'la n faga mia di schèrs, la gh mét un culàr a 'l còl cun un sćiòp dèntar ligâ a la batarìa 'd cōr ad Jigsaw: se chi lò al mōr, anc la duturésa l'è cundanàda a far na bruta fîṅ.

Culegamènt estéran