Santa's Slay

Da Wikipedia.

C'l artìcul chè 'l è scrit in Miranduléś Emiliàn

Santa's Slay

La Fran Drescher in na figùra dal film
Al masèl ad Pàdar Nadâł
2005
Regìa: David Steiman
Scritōr: David Steiman
Atōr: Bill GoldbergDouglas SmithRobert Culp
Chris KattanRebecca GayheartJames Caan
Emilie de RavinFran DrescherDave Thomas
Saul RubinekKevin GilleseTommy Lister
Müsica: Henning Lohner
Léngua: Ingléś
Dürä dal film: 78 minüt
Nasiōṅ: Stat UnîCànada


«
Sèra i us, al fnèstri e stópa 'l camèṅ parchè Pàdar Nadâł 'l è drē a rivàr in sità!»
(Tagline dal film)


Santa's Slay (Al masèl ad Pàdar Nadâł) l'è na cumèdia 'd scarésa americàna e canadéśa dal 2005 scrita e dirèta par David Steiman.

Sunt

Nicolas Yuleson (Douglas Smith) 'l è 'n śuvnòt ch'al viṿ in un pòst ciamâ Santa Hell Township a cà 'd sò nunòṅ, 'n inventōr dimóndi strâṅ (Robert Culp). Al ragàs al lavóra in dal fōran d'l ebrèj Mr. Green (Saul Rubinek) insém a la sò muróśa, la Mary Mackenzie dita “Mac” (Emilie de Ravin).

Durànt la nòt ad Nadâł a s fà viṿ Pàdar Nadâł (Bill Goldberg) ch'al salta fóra da 'l camèṅ dla famìja Mason par cupàr-i tut: Darren (James Caan), cla purcùsa 'd sò mujér, la Virginia (Fran Drescher), Jason (Chris Kattan), la Gwen (Rebecca Gayheart), la Beth (Alicia Lorén) e la Taylor (Annie Sorell) in dal méntar ch'i éran drē a magnàr al tòc par séna.

La spiegasiòṅ ad cal cumpurtamènt lè al gh l'à scrita su 'n lìb'r al nunòṅ, al “The Book Of Claus”. Pàdar Nadâł al n è àtar ch'al fiōl dal Diàvul e 'l è sèmpar stâ catìṿ tant ch'al s divertìva a masàr in dal dè 'd Nadâł e i cristiàṅ i aṅ sèmpar pargâ Dio ad prutéś'r-i. Chi lò, par jutàr-i, mila an fà 'l iva mandâ 'n Àngil a cunfruntàr-as cun Pàdar Nadâł. Vinsénd na scumésa sèg durànt na gara 'd curling, al Cherubîṅ 'l iva fat in manéra che Pàdar Nadâł al fus custrét a rigàr drit e a far di rigài a i putèṅ e dal bèṅ a la gint. Ma adès al milèni 'l è pasâ e Santa Claus al pōl turnàr a far la canàja, tacànd c'n al masàr al sgnōr Green inciuldànd-'l a 'l mur cun na menorah insfilsàda in dal còl.

Dòp la mòrt anc dal nunòṅ, mis sóta da la ślita 'd Pàdar Nadâł tiràda p'r un biśònt albèṅ, a farmàr c'l umòṅ lè vistî 'd rós a gh armàgn sōl Nicolas jutâ par la Mac.

Culegamènt estéran