Saint Paul

Da Wikipedia.
C'l artìcul chè 'l è scrit in Miranduléś Emiliàn
La bandéra dla sità


Saint Paul (a s lèś /ˌseɪnt ˈpɔːl/ in ingléś da spés scurtâ in St. Paul) l'è na sità dal nòrd di Stat Unî, capitàł dal Minneśòta e secónd sèntar più impurtànt dal stat dòp Minneapolis. La ciàpa 'l sò nóm in unōr ad San Pàvel e l'è divìśa in darsèt quartēr.

Panuràma 'd nòt 'd St. Paul
Al State Capitol

La mùcia sù tarśènt-mila abitànt a 'l incìrca e la s cata in dla cuntèa 'd Ramsey a 'l incróś di fiùm Missisìpi e Minneśòta. Al sò clima 'l è cuntinentàł.

La sò ecunumìa la pōl cuntàr su l'indùstria chìmiga (Ecolab) e su qvéla dal màchini (Ford). A livèl pulìtic l'è na sità 'd sinìstra tant che tut i quàtar distrét dal senàt e i òt dla cambra i èṅ cuntrulâ p'r i demucràtic.

Tgnénd adrē a 'l censimènt dal 2010 la sò gint la s divìd fra 'n 60,1% ad biànc, un 15,7% ad négar, un 9,6% 'd ispànig e 'n 15,0% 'd aśiàtic. Al sò sìndig, da 'l 2006, 'l è Chris Coleman dal partî demucràtic-cuntadèṅ-laburìsta dal Minneśòta.

Saint Paul l'è na sità śmèla 'd Mòdna da 'l 1989.

Persunàǵ ligâ a Saint Paul

Culegamènt estéran