Sìngia 'd castitê

Da Wikipedia.

C'l artìcol chè 'l è scrit in Carpśàn Emiliàn

Un schìs ed na singia 'd castitê in metâl dal XIV sécol.
Na singia 'd castitê da 'l muśèo dal tortùri 'd Freiburg im Breigau, Germàgna.

La singia o sintùra 'd castitê (cintura di castità in itagliàṅ) l'è na manéra strulghèda in di tèimp indrē per sarèr sù, inciavardê, 'l sês dal partner e, secònd quêl ch'a s còunta, 'n quelcdùn al la psiva druèr na quelc volta s'al n'vlìva minga che la mujér la frulìs fóra dala cópia.
La singia l'a s l'avrèv fata sfrucèr ala só dòna, p'r eśèimpi, s'a s duìva fèr di viâś lung, e cla bardèda lè adôs in dal pèrti basi, l'avrèv tgnû da cât méj la fedeltê dla spóśa. La stèsa utilitê, 'd ann andèr mìa atâc a 'l sês, l'a s l'avrèv catèda s'a n'se vliva mìa che 'n quelcdùn al s tuchìs in na manéra spurcaciòuna pròpi là sòta.

A 'l dè 'd incō la sìngia 'd castitê la vin druèda ind un quêlc śōg eròtic di BDSM.

Vōś lighèdi

Èter progêt