Rebeka Masarova

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


La Rebeka Masarova (Baśilèa, 6 'd Agóst dal 1999, Masárová in Śluvàc) l'è na tenìsta śvisra cun di urìgini śluvàchi par part ad pàdar, cuma la Belinda Bencic, e spagnōli par part ad màdar. L'è bòna 'd dascórar in Tedésc, Francéś, Śluvàc e Ingléś.

L'è élta 186 cm e la péśa 71 chilo, la dróa al bras dèstar e la tira 'l arvèrs a dū maṅ. In dla sò caréra l'à vins al tìtui dal Roland Garros di śōvan in dal 2016.

Caréra

La Rebeka la śōga 'l qualificasiòṅ in dū turnèo ITF a quatórd'ś an e la gh la cava anc a pasàr-li na vòlta. La tórna a pistàr chi camp lè in dal 2015 rivànd in semifinàł in 'n ITF su tèra batùda a Madrìd.

In dal 2016 la riva in semifinàł a gl'Australian Open di śōvan faghénd méj in Śugn a Parì in du la vins al tìtul dal Roland Garros di śōvan. In Favràr e in Avrìl la pasa 'n turàn in di ITF śvìs'r ad Kreuzlingen (sinquànta-mila dòlar) e ad Ciàs (vintsìnc-mila dòlar). In Luj a Gstaad i gh dànan na carta salvàdga par śugàr al sò prim turnèo WTA e la Masarova la fà fóra subìt la Jelena Janković a 'l prim tùran par 1-6 6-4 6-2 e pò anc l'Anett Kontaveit e l'Annika Beck i crōdan sóta i sò cōlp. La pèrd in semifinàl da cl'atra śvisra, la Viktorija Golubic, par 3-6 2-6. In Setémbar la scampa par miràcul a 'n incidènt in màchina: l'éra in viàś cun sò màdar e cun sò fradèl par tōr part a 'n ITF a Clermont-Ferrand[1].

Culegamènt estéran

Nòti