Razor eaters - Senza limiti
|
C'l artìcul chè 'l è scrit in
Miranduléś |
 Razor Eaters
| ||
| Razor eaters - Senza limiti | ||
 Richard Cawthorne in na figùra dal film | ||
| Magnadōr 'd raśōr - Sénsa lìmit 2003 | ||
|---|---|---|
| Regìa: Shannon Young | ||
| Scritōr: Shannon Young | ||
| Atōr: Richard Cawthorne • Fletcher Humphrys Paul Moder • Julie Eckersley • Matt Robertson Shannon Young • Campbell Usher • Teague Rook | ||
| Müsica: Murder Drive • The Anyones • Clauz Discordia • Liam Toner • Scream Age Sickman • Angelik • Cyan • Crucified Venus Narcosis • Psychophany • Armchair | ||
| Léngua: Ingléś | ||
| Dürä dal film: 96 minüt | ||
| Nasiōṅ: Austràglia | ||
Razor eaters - Senza limiti (Magnadōr 'd raśōr - Sénsa lìmit) 'l è 'n film dramàtic austragliàṅ dal 2003 scrit e dirèt par Shannon Young.
La pelìcula la tōś ispirasiòṅ da i „Hedge Burners“, un grup ad delinquènt austragliàṅ ch'al fava di at ad vandalìśum in gir par pò tiràr śò incòśa.
Sunt
A Melbourne un delinquènt ciamâ Zach (Richard Cawthorne) al s mét a cap 'd un grup ad sinc śōv'n arvès vèrs la sucietà ciamâ Razor Eaters. I àtar mémbar d'l urganiśasiòṅ i èṅ Anthony (Campbell Usher), 'l èx studènt ad chìmiga Orville Hurstleigh (Teague Rook) ch'l è bòṅ ad far dal bómbi, Rob (Shannon Young), cun la pasiòṅ p'r al tele-caméri, e Roger Rockatansky (Fletcher Humphrys), ch'al gh'à abû 'n fradèl più pìcul masâ da 'n làdar.
A 'l inìsi al grup al taca a dar-as da far faghénd dal rubarìi, cuma in dal negòsi 'd Jason (Nathan Bocskay) o dal pàdar 'd Orville (Peter Hosking), ma pò i pàs'n anc a i masamènt dòp avēr-al fat c'n un automobilìsta ch'al s éra mis a sunàr-ag da drē (Stuart Orr). I gh 'l ànan specialmènt cun di traficànt ad dròga, cuma Garth (Craig Madden), 'd armi, cuma Lonnie Evans (Vincent Gil) o di spaciadōr cuma Mickey Briggs (Saide Kohl). Anc al dóni i patìsan la sò arlìa, cuma la Jenny (Julie Eckersley) viulentàda in un risturànt. Tut chi at criminài lè i vìnan tirâ śò par Rob che pò al spedìs al caséti a la pulisìa o a i giurnài.
I Razor Eaters i dvèntan famóś in sità e 'l fat ch'i dìan adòs a i spaciadōr al fà in manéra che dla gint la sia da la sò banda. Al negusiànt sò fan Syksey (Angus Sampson) al taca a véndar dal maj c'n al sò nóm insìma.
In séguit al grup al taca la „faś dū“ dal sò prugèt, far-la pagàr a di persunàǵ ch'i n mèritan briśa 'd star a 'l mónd. I vìnan rapî acsè p'r èsar cupâ o piciâ al minìstar dla diféśa Brian Worthy (John McConnell), pulìtig làdar, un vìgil ch'al gh cata gust a far dal multi (Gawain McLachlan), al śugadōr ad fólbar Tony Stapedo (Simon Gowling), Peter (Cameron Knight) e Stevo (Ben Dixon), ch'i gìran su 'n machinòṅ, l'agìnta publisitària Tina Laboiz (Georgina Hallam), al buta-fóra Adam Starr (Danny Esber) e 'n alevadōr ad pitbull da cumbatimènt, Kevin (Denis Rebic).
A dar-ag la casa a gh s mét 'l agìnt Danny Berdan (Paul Moder).