Alsìa

Da Wikipedia.
(Reindirizzamento da Râṅ)

C'l artìcol chè 'l è scrit in Carpśàn Emiliàn

A gh' è dal rìsć per la preśèinsa 'd sustànsi iritànti (Xi) e danōśi (Xn) secònd la diretìva 67/548/EWG dl'Ufìsi Chìmic edl' Evròpa
Fèr dl'Atensiòun
A bśògna fèr atensiòun ch'l è corośìṿ

L’alsìa l'era na solusiòun 'd àqua buìnta e sèndra 'd lègna filtrèda a travèrs al sindrēr ('na gràn pèsa 'd tela 'd cutòun ch'la fèva da sdâs), e ch'la dvintèva, gnènd śò in sìm'ai pan e i linsō spòrc, un perfèt detersìv, druê da 'l reśdóri in soquànti gròsi mastèli o anca in di parōl, da di tèimp dimòndi antìg infìn ai nòster an Essanta.

Al prinsìpi chìmic ch'a s cata in dl'alsìa, 'l è la solusiòun di carbunê 'd sòdi e 'd putàsi che gl'ìn dèintr' a la sèndra: i gh'àn dimòndi capacitê 'd śgrasèr e dòunca ed pulìr al bughê melnèt.

La mastèla acsè impinìda 'd pàn da lavèr con l'alsìa, la duìva armàgner férma per dagli ōri e anca tùta la nòt, acsè la matèina dôp el reśdōri i psìv'n avrìr'gh al tap ed sòta per descarghèrla vìa (mo a gh'éra anca d' quìli ch' i la tgniven da cât incòra per 'n èter lavàǵ). Cum'a sucéd anca in di lavàǵ modèren, dôp dal scargamèint edl'àqua melnèta con l'alsìa, a s duìva fer la śmulgadùra, a dir al risiàqvi, in dl'àqua dal canèl o dal fiùm, indû 'l bughè al duìva èser batû e strichê più e più volti.

Frèśi 'd rìsć

  • R 36: Iritànt p'r i òć;
  • H319: Al dà na grósa iritasiòun ai òć.
Soquànti bugadèri al lavōr.

Cunsìli 'd prudèinsa

  • S 2: Tgnìr luntàṅ dài ragasō;
  • S 22: A n'respirèr mìa i fùm;
  • S 26: S'a 'l và atâc ai òć, lavèr cun tant'àqua e sintìr al dutōr.

Manéri 'd dìr

(MUD) A lavèr la testa a l'èsen, a s gh'armàt l’alśìa, (IT) (lett.) A lavare la testa all'asino, si spreca il ranno, (fig.) Inutile tentare di correggere un tonto.


Na fotografìa artìstica dal śvedēś Severin Nilsson ed fìn Otsèint.

Colegamèint estèren