Quattro matrimoni e un funerale
|
C'l artìcul chè 'l è scrit in
Miranduléś |
 Four Weddings and a Funeral
| ||
| Quattro matrimoni e un funerale | ||
 La MacDowell e Hugh Grant in na figùra dal film | ||
| Quàtar matrimòni e 'n funeràł 1994 | ||
|---|---|---|
| Regìa: Mike Newell | ||
| Scritōr: Richard Curtis | ||
| Atōr: Hugh Grant • Andie MacDowell • Sara Crowe Kristin Scott Thomas • Hannah Taylor Gordon Corin Redgrave • Simon Callow • John Hannah Rowan Atkinson • Charlotte Coleman • David Haig James Fleet • Bernice Stegers • David Bower | ||
| Müsica: Richard Rodney Bennett | ||
| Léngua: Ingléś | ||
| Dürä dal film: 117 minüt | ||
| Nasiōṅ: Régn Unî | ||
Quattro matrimoni e un funerale (Quàtar matrimòni e 'n funeràł) l'è na cumèdia ingléśa dal 1994 ad Mike Newell ch'l'è stada misa da 'l British Film Institute a 'l 23śum pòst di sènt film dal XX sècul da tgnir dacàt.
In dla culòna sunóra dal britànic Richard Rodney Bennett i s càt'n anc di pès pop cuma Love Is All Around di Wet Wet Wet, Crocodile Rock, But Not for Me e Chapel of Love 'd Elton John e I Will Survive ad Gloria Gaynor.
C'n un budget ad quàtar migliòṅ e quàt'r ad dòlar, la 'n à fat sù da piò ad duśènt-quarantasìnc.
Sunt
'L è al dè dal matrimòni fra Angus (Timothy Walker) e la Laura (Sara Crowe). Charles (Hugh Grant) al tōś part a la serimògna insém a di sò àt'r amìg put ch'i crédan ch'a n tucarà mai a lōr. Durànt al spuśalìsi Charles al cgnós l'americàna Carrie (Andie MacDowell) e al pasa sèg la nòt inamurànd-'s ad lē che però la pénsa ch'la sia stada sōl un quèl 'd un dè.
Dòp soquànt tèmp 'l è 'l tùran ad Bernard (David Haig) ad spuśàr la Lydia (Sophie Thompson). Chi lōr dū i s éran cgnusû pròpria durànt al matrimòni 'd Angus. Durànt la fèsta la Carrie la preśénta al sò muróś scuséś a Charles che acsè a pâr ch'al gh'àppia da mét'r-as al cōr in paś anc parchè la tèrsa a tōr marè l'è pròpria lē. Al dè dal sò matrimòni la ciàma tut i sò amìg in un castèl. Chè la Fiona (Kristin Scott Thomas) la cunfésa a 'n Charles dimóndi śò ch'la gh'à sèmpar vlû bèṅ anc se lò al n gh'à mai dâ a mènt. In dal méntar a Gareth (Simon Callow), amìg fnòć ad Charlie, a gh vèṅ un cōlp séc. A 'l funeràł al sò muróś Matthew (John Hannah) al lèś na pueśìa ad W. H. Auden, Funeral Blues. Charles e Tom (James Fleet) i dascóran dla natùra d'l amōr.
Sénsa créd'r-ag tròp, adès 'l è 'l mumènt ad Charles 'd andàr a 'l altàr e 'l al fà cun l’Henrietta (Anna Chancellor), ch'la s pòrta adrē al scutmàj ad “ghigna ad chiûl” da i sò amìg. Fra gl'invidâ a gh'è anc la Carrie ch'la gh diś ch'in cal méntar la s éra divìśa da sò marè soquànt méś prima. Prima ch'la serimògna l'àppia inìsi, Charles al cònta incòsa a sò fradèl sōrd e mut David (David Bower). Davànti a 'l prēt, quànd chi lò al dmanda se qualchidòṅ al sàppia un quèl p'r a n far mia 'l matrimòni, David al dróa al linguàǵ di ségn par dir a sò fradèl 'd a n far minga 'l śbali ad spuśàr na dóna ch'al gh n vōl minga bèṅ.