Puppet Master II
|
C'l artìcul chè 'l è scrit in
Miranduléś |
 Puppet Master II | ||
| Puppet Master II | ||
 Al putòć Blade e Celentano in na figùra dal film | ||
| Al buratinàr II 1990 | ||
|---|---|---|
| Regìa: Dave Allen | ||
| Scritōr: Charles Band • David Pabian | ||
| Atōr: Elizabeth Maclellan • Greg Webb • Nita Talbot Collin Bernsen • Charlie Spradling • Jeff Celentano | ||
| Müsica: Richard Band | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Puppet Master II (Al buratinàr II) 'l è 'n film ad scarésa americàṅ dal 1990 ad Dave Allen séguit dla pelìcula Puppet Master - Il burattinaio d'l an prima. 'L è stâ girâ, diretamènt p'r al marcâ d'l home video, c'n un budget ad setsènt-utantamìla dòlar.
Sunt
[mudéfica la surzéia]In dal campsànt ad Bòdega Bay (Califòrgna) André Toulon (Steve Welles) al tórn' in vita dòp ch'i sò putòć i gh bùtn'n adòs al flùid ch'i gh'ànan dèntar ch'l è bòṅ 'd animàr i mòrt o i buratèṅ cuma lōr. Chi lōr i gh'aṅ biśógn dal sò creadōr parchè al flùid ch'i gh'aṅ in còrp 'l è drē a finìr dònca a gh'è da far-an d'l àtar, un pùcio a baś ad cunsèṅ ad sarvèl umàṅ fat tgnénd adrē a na striarìa egisiàna.
Soquànt méś dòp un grup ad siensiâ c'n a cap la Carolyn Bramwell (Elizabeth Maclellan) i rìv'n in d'l albêrg ad Toulon par purtàr avànti dgl'indàśin su la mòrt dla Megan Gallagher. Sèg a gh'è anc sò fradèl Patrick (Greg Webb), la Wanda (Charlie Spradling), Lance (Jeff Celentano) e la Camille Kenney (Nita Talbot). Quànd chi lē la vîṅ cupàda e fata sparìr p'r i buratèṅ, sò fiōl Michael (Collin Bernsen) al riva lè par catàr-la.
I putòć
[mudéfica la surzéia]I putòć prutagunìsta dal film i èṅ
- Blade (Lama, buratèṅ in paltò cun 'n unsèn e na lama a 'l pòst dal maṅ e 'n capèl in cô)
- Jester (Bufòṅ, al buratèṅ Pierrot)
- Pinhead (Tèsta 'd gùcia, al buratèṅ umòṅ cun na testulìna pìcula dimóndi cuma 'n gucèṅ)
- Tunneler (Scavadōr ad galarìi, buratèṅ cun na trivèla in cô)
- Leech Woman (Sgnōra Sangvétula, buratìna ch'l'armét dal sangvétuli par la bóca)
- Torch
(Tòrsa, buratèṅ vistî da naśìsta cun 'n elmét in cô e di prujètil a 'l pòst di dènt, al gh'à na maṅ sōla mént'r in d'l àtar bras al gh'à 'n dispuśitìṿ spara-fōg)
.gif){kind=small}
La saga
[mudéfica la surzéia]La saga dal Puppet Master la mét insém trédas pelìculi dirèti par di regìsta difarènt:
- 1989 - Puppet Master - Il burattinaio ad David Schmoeller
- 1990 - Puppet Master II ad Dave Allen ad Dave Allen
- 1991 - Puppet Master III - La vendetta di Toulon ad David DeCoteau
- 1993 - Il ritorno dei giocattoli assassini ad Jeff Burr
- 1994 - Giocattoli assassini - Scontro finale ad Jeff Burr
- 1998 - Curse of the Puppet Master ad David DeCoteau
- 1999 - Retro Puppet Master ad David DeCoteau
- 2003 - Puppet Master: The Legacy ad Charles Band
- 2004 - Puppet Master vs. Demonic Toys ad Ted Nicolaou
- 2010 - Puppet Master: Axis of Evil ad David DeCoteau
- 2012 - Puppet Master X: Axis Rising ad Charles Band
- 2017 - Puppet Master: Axis Termination ad Charles Band
- 2018 - Puppet Master: The Littlest Reich ad Sonny Laguna e 'd Tommy Wiklund