Pronti a morire

Da Wikipedia.

C'l artìcul chè 'l è scrit in Miranduléś Emiliàn

The Quick and the Dead
Pronti a morire

La Sharon Stone in na figùra dal film
Prònt a murìr
1995
Regìa: Sam Raimi
Scritōr: Simon Moore
Atōr: Sharon StoneGene HackmanTobin Bell
Russell CroweLeonardo DiCaprioPat Hingle
Gary SiniseRoberts BlossomKevin Conway
Müsica: Alan Silvestri
Léngua: IngléśSpagnōl
Dürä dal film: 107 minüt
Nasiōṅ: Stat UnîGiapòṅ


«
Spara méj. Spara da spés. Al culpìs a 'l cōr.»
(Tagline dal film)


Pronti a morire (Prònt a murìr) 'l è 'n film western americàṅ e giapunéś dal 1995 ad Sam Raimi, parudìa di spaghetti western a l'itagliàna. 'L è stâ preśentâ fóra cuncōrs a 'l 48śum Fèstival ad Cannes.

Al film, girâ tut in d'l Ariśòna, 'l à purtâ a cà da piò da daśdòt migliòṅ ad dòlar in di Stat Unî e siē migliòṅ ad dòlar a 'l incìrca in dal rèst dal mónd, a frònt però 'd un budget stimâ da trénta-dū migliòṅ ad dòlar.

Sunt

In dal Far West dal 1878, l’Ellen (Sharon Stone) la riva a Redemption par pascàr un sèrt John Herod (Gene Hackman), al guvernatōr sénsa cōr ad cla sitadìna lè che quànd lē l'éra na baghéta al gh'à masâ 'l pàdar sierìf (Gary Sinise) par tōr-'n al pòst. Par far fóra i sò nemìg 'l óm 'l urganìśa tut i an un turnèo p'r elèś'r al pistulēr più śvélt dal Stat c'n un prèmi p'r al vinsidōr ad sentvint-a-tri mila dòlar. Da 'l cant suo Herod al gh tōś sèmpar part e ninsòṅ 'l è mai stâ bòṅ ad bàt'r-al.

La dóna la s iscrìv subìt a la gara e méntar la s cata in sità la cgnós dimóndi gint cuma Cort (Russell Crowe), èx bras dèstar 'd Herod ch'al s è fat prēt, Fee dit The Kid (Leonardo DiCaprio), fiōl bastàrd 'd Herod, Ace Hanlon (Lance Henriksen), pistulēr balìsta e śburòṅ, Scars (Mark Boone Junior), delinquènt scapâ via da parśòṅ c'n un catròṅ in ghigna, al sergînt Clay Cantrell (Keith David), adès sasèṅ par bèsi, al pôc ad bòṅ Eugene Dred (Kevin Conway) e 'l indiàṅ Sioux Cavàl Pesâ (Jonothon Gill).

Culegamènt estéran