Prima che arrivi l'alba
|
C'l artìcul chè 'l è scrit in
Miranduléś |
 Hold Back the Night
| ||
| Prima che arrivi l'alba | ||
 La Hancock e la Tremarco in na figùra dal film | ||
| Prima ch'l'alba la riva 2007 | ||
|---|---|---|
| Regìa: Phil Davis | ||
| Scritōr: Steve Chambers | ||
| Atōr: Christine Tremarco • Stuart Sinclair Blyth Sheila Hancock • Richard Platt • Tommy Tiernan | ||
| Müsica: Peter John Vettese | ||
| Léngua: Ingléś | ||
| Dürä dal film: 104 minüt | ||
| Nasiōṅ: Régn Unî | ||
Prima che arrivi l'alba (Prima ch'l'alba la riva) 'l è 'n film dramàtic dal 2007 ad Phil Davis.
Sunt
Stufa 'd èsar viulentàda da sò pàdar Michael (Richard Platt), la śōvna ingléśa arvèrsa Charleen (Christine Tremarco) la decìd 'd scapàr ad cà p'r andàr a star da sò sîṅ Bob (Kenneth Colley) a Edinbûrg. Chi lò, a dir dabòṅ, 'l è sò nunòṅ esénd al pàd'r ad sò màdar ch'la s è tòlta la vita dòp avēr fat a mènt che sò marè al viulentàva 'l sò dū fiōli, ólt'r a la Charleen anc sò surèla più pìcula, la ritardàda Jackie (Julie Ann Watson).
Lung la strada par la Scòsia, la ragàsa la cgnós dū piuciōś, John dit „'l irlandéś“ (Tommy Tiernan) e Declan (Stuart Sinclair Blyth) ch'i fànan part 'd un grup cuntestatàri ch'i èṅ cuntràri a gh s faga na strada nóva da cal bandi lè. La Charleen la s unìs a la lòta e, durànt un scóntar cun la pulisìa, la ferìs un pulisiòt tirànd-ag na bastunàda in cô. Declan, dvintâ 'l sò muróś, e lē i scàpan via c'n un caṅ sèg ciamâ Killer jutâ par na vècia lèśbica in furgunsèṅ, la Vera (Sheila Hancock), ch'la gh dà 'n pasàǵ. Chi lē l'è na malàda terminàla in viàś vèrs gl'Ìśuli Òrcadi ch'la vōl védar l'alba in dal Sérć ad Brodgar prima 'd srar i òć par sèmpar.
Dòp avēr lasâ anc la cà 'd Bob parchè 'l óm, amànt di uśèi, al vliva mét'r al maṅ adòs a la ragàsa, al grup al s férma in dla campàggna scuséśa par durmìr sóta na ténda. Chè la Charleen la cgnóś dū turìsta danéś, Jacob (Peter Anders) e Torsten (Lars Oostveen), finénd c'n al fumàr di spinèi e c'n al gusàr cun chi lò.