Porca vacca

Da Wikipedia.

C'l artìcul chè 'l è scrit in Miranduléś Emiliàn

Porca vacca

Pozzetto e la Laura Antonelli in na figùra dal film
Vaca caṅ
1982
Regìa: Pasquale Festa Campanile
Scritōr: Pasquale Festa Campanile
Marcello Coscia • Massimo De Rita
Atōr: Renato PozzettoLaura AntonelliToni Ucci
Aldo MaccioneMaurizio MattioliAdriana Russo
Edoardo SalaRaymond PellegrinGino Pernice
Müsica: Riz Ortolani
Léngua: ItagliàṅLumbàrd
NapulitàṅVènetTedésc
Dürä dal film: 113 minüt
Nasiōṅ: Itàglia


«
Bujénta... Purcùsa... Divertènta...»
(Tagline dal film)


Porca vacca (Vaca caṅ) l'è na cumèdia dramàtica dal 1982 ad Pasquale Festa Campanile giràda in dal Friûl Venèsia-Giùglia e prudóta p'r Achille Manzotti.

In dla pelìcula Renato Pozzetto al canta La bella Gigogin, Un ciondolo d'oro, L'arrotino e la canta 'd amōr Faccia di merda méntar Maurizio Mattioli al fà la part 'd 'n emigliàṅ purcùs ch'al s gusa na sōra incóra più malnéta 'd lò.

Sunt

Durànt la Prima guèra mundiàla al cantànt da baléra Primo Barbisetti (Renato Pozzetto), dit Prim Bafi, al fà da tut p'r a n andàr briśa a cumbàtar su 'l frònt austrìac, anc pruàr a far-as pasàr par na chéca ma a n gh'è vèrs. Un dè, mént'r al furgòṅ di militàr al gh'à 'n guàst, al véd na ragàsa da par lē, la Marianna (Laura Antonelli), in un paiśèṅ ch'a pâr bandunâ. Al s mét 'd acòrd sèg par na gusàda ma la dóna, jutàda da 'l cuntadèṅ làdar Tomo Secondo (Aldo Maccione), la 'l fréga purtànd-ag via incòsa dòp che lò al s éra cavâ śò armagnénd in patàja. Primo al próa a cunsulàr-as ciulànd su 'n trêṅ cun na sò èx culéga balarìna (Adriana Russo) di tèmp quànd lò 'l fava di spetàcui. Quànd però al véd giràr lè par vòlta la Marianna al gh cur adrē par pò ciapàr-'s un cals in ghigna ch'al 'l imbarèla.

In séguit Primo al gh'à la manéra 'd incruśàr da spés i dū delinquènt, Secondo a 'l frònt e la Marianna ch'la i ciùla tut dū.

Culegamènt estéran