Poltergeist III - Ci risiamo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Poltergeist III
Poltergeist III - Ci risiamo
Poltergeist 3.png
La Nancy Allen in na figùra dal film
Poltergeist III - A gh sém incóra
1988
Regia: Gary Sherman
Scritùr: Gary Sherman • Brian Taggert
Atùr: Tom SkerrittNancy AllenHeather O'Rourke
Zelda RubinsteinLara Flynn BoyleKipley Wentz
Roger MayRichard FireNathan Davis
Müsica: Joe Renzetti
Lengua: Ingléś
Dürä dal film: 97 minüt
Nasiòṅ: Stat Unî


«
Próa a dir chi è turnâ da 'l nòstri bandi.»
(Tagline dal film)


Poltergeist III - Ci risiamo (Poltergeist III - A gh sém incóra) 'l è 'n film ad scarésa girâ in dal 1988 par Gary Sherman. 'L à fat sù da piò ad quatórdas migliòṅ ad dòlar in tut a frònt 'd un cóst ad nóṿ e mèś.

L'è l'ultma pelìcula in dua l'à recitâ la baghéta Heather O'Rourke, mòrta a dód'ś an dòp avér finî al film.

Qvést chè 'l è 'l tèrs e ùltim capìtul dla saga ad Poltergeist dòp Poltergeist - Demoniache presenze dal 1982 e Poltergeist II - L'altra dimensione dal 1986.

Sunt

La Carol Anne Freeling (Heather O'Rourke), dòp avér patî da putìna di fat brut vgnéd a cuntàt c'n i spìrit di mòrt, la vèṅ mandàda a cà 'd sò sia Patricia (Nancy Allen) e ad sò marè Bruce (Tom Skerritt) a Chicago par punsàr e par daśmindgàr incòsa. Purtròp par lē, anc là la taca a 'vér dal viśiòṅ ad Kane (Nathan Davis). La baghéta la taca a 'ndàr a na scōla par di ragàs cun di prubléma parchè ninsòṅ a créd a qvél ch'la diś.

Na nòt, méntar la Carol Anne la s cata a cà da par lē insém a sò cuśìna Dana (Lara Flynn Boyle), la pìcula la gh śibìs 'd andàr a divertìr-as insém a i sò amìg, dgénd-ag ch'la la quaciarà in tut al manéri. Pròpria méntar lē l'è via, Kane al próa a purtàr-as via la Carol Anne ma al n gh la cava briśa parchè in sò ajùt a riva la medium Tangina (Zelda Rubinstein).

Culegamènt estéran