Pisalèt

Da Wikipedia.

C'l artìcul chè 'l è scrit in Miranduléś Emiliàn


Al fiōr dal pisalèt
I frut dal pisalèt


Al Pisalèt (nóm sientìfic Taraxacum officinale) l'è na piànta a fiōr dla famìja dgl'Asteracee. 'L è cgnusû anc c'n al nóm ad Dènt ad Lèòṅ o ad Supiòṅ. Al tōś al nóm da na cardénsa ch'la vrév ch'i putèṅ ch'i al sònan sù i dvintìsan pò di pisòṅ a lèt.

L'è na piànta ch'la viṿ tut 'l an rivànd a ès'r élta da 3 a 9 cm e la s pōl anc magnàr. Al sò fój a la fiṅ i pàran dgl'uréci quànd prima invéci i gh'aṅ na fórma a dènt. Al stéc ad dèntar 'l è vōd e i sò fiōr i èṅ śai. I frut i èṅ biànc e i s dastàcan facilmènt supiànd-ag cóntar.

Al crés da par lò in dal piàni ma anc in fìṅ a dumìla métar, 'l è abàsta ch'al clima al sia temprâ. In Itàglia al s cata dapartùt, specialmènt in di prâ, lung i sintēr e da 'l bandi dal stradi.

Pisalèt

«
Pisalèt pisalèt,
fà-la tótta in mèz a 'l lèt,
fà-la granda, fà-la stràtta,
mèin-la vìa cun la caràtta.[1]»
(MUD)(Còunta mudnéśa)
«
Piscialetto piscialetto,
falla tutta in mezzo al letto,
falla grande, falla stretta,
portala via con la carretta.»
(IT)

Noti e referènsi

  1. (IT) e (MUD) Il grande libro delle filastrocche & fòle modenesi, dal Sandar Bellei, Fràra, 2006, pâǵ. 65.

Àter prugèt

Culegamènt estèran