Piràmid di biśògn ed Maslow

Da Wikipedia.
Jump to navigation Jump to search
C'l artìcul chè 'l è scrit in Carpśàn Emiliàn
Da l'élta a gnìr in śò, t tìp ed biśògn ch'i gh'àn i cristiàṅ secònda Maslow.

La Piràmid di biśògn ed Maslow l'è na figurasiòun schemàtica di biśògn edl òm, da quī più śèimpi a quī più sofistichê, che 'l psicòlog Maslow 'l ìva scrìt in dal 1943 in dla só tratasiòun "A Theory of Human Motivation"[1] publichèda in dla Psychological Review. Più têrd el stèsi spiegasiòun, ampièdi, al Maslow al li publichèva in dal só lìber dal 1954 Motivation and Personality.

A partìr da 'l bâs edla piràmid, 'l òm al gh'avrèv di biśògn "fiśiològic" indispensàbil da giustèr, cma quī dal respirèr, dal magnèr, dal bèver, dal descarghèr, dal durmìr, dal sès e via descurènd.
Un pò più secondàri i srèven i biśògn ed "sicurèsa", a 'l riguêrd dal só fìśic, del só proprietê, dal só lavōr, dla só famìja e vìa acsè.
Incòr più rafinê da sodisfèr i srèven i biśògn 'd "apartenèinsa", c'ma quī dl'amicìsia, di afêt famiglièr e dl'intimitê sesuèla.
Di biśògn incòr più fîn da mèt'r a post i srèven quī dla "stìma", a dìr dla realiśasiòun, dal rispêt cun chi èter, dla padronànsa, e acsè vìa.
In sìma, in dla piràmid, a gh'starèv l'"avtorealiśasiòun", c'ma quand ùn, send pròpia na brèva persòuna, al n'gh'avrèv più di pregiudìsi mo invéci edl'acetasiòun, dla creativitê, la capacitê 'd catèr dal solusiòun ai probléma, dla spontanitê e dla moralitê.

Vōś lighèdi

La figùra dla piràmid di biśògn secònd Maslow.

Noti e referèinsi

  1. (EN) Al scrìt alśìbil in dla réda.

Èter progêt

Colegamèint estèren