Pippi Chelsilùnghi
|
C'l artìcol chè 'l è scrit in
Carpśàn |
La Pippi Chelsilùnghi (scurtamèint ed Pippilotta Viktualia Rullgardina Succiamenta Efraisilla Calzelunghe in itagliàn, o Pippilotta Viktualia Rullgardina Krusmynta Efraimsdotter Långstrump in śvedéś) l'è la protagonìsta dal romàṅś śvedéś per putèin ch'al porta al só nòm Pippi Långstrump, scrìt dala scritóra śvedéśa Astrid Lindgren.
Al só personàǵ
La Pippi l'è na ragasóla cui cavî ròs tgnû strìc in dū gròsi trèsi dimondi a l'infóra e la ghìgna pina 'd tuchìni. La gh'à nōv ân, l'è vistìda acsè acsè, cun dū calsèt ed lana dimòndi lung e despajê e dal scarpàsi neri lunghi dimòndi de più di só pē.
Un bel dè la ragasóla la 'riva cui só bagàj e in sìm'a 'l só cavâl, ind un paiśèin śvedéś a viv'r in dla cà cumprèda per lē da 'l só papà Efraïm Chelsilùnghi. Mo la só manéra 'd viver da per lē in cla cà lè acsè granda, l'impresiòuna dimòndi el brevi dòni dal paēś, e prìma 'd cagli ètri, la sina Prusselius, ch'la ciama presti i pulisiôt a controlèr la situasiòun e ch'a n'sìa 'l chêś ed mèter la ragasóla ind un colēǵ.
Mo la Pippi l'è dimondi in gamba e anca fôrt, e dòunca la gh'la chèva 'd parèr via i pulisiôt sàinsa paghèr dasi.
Vóś lighèdi
- Al sgnōr Nilsson
- Pippi Chelsilùnghi (romàṅś)
- Pippi Chelsilùnghi (séri televiśìva)
- Pippi Chelsilùnghi (séri animèda)
Èter prugêt
Wikimedia Commons contiene file multimediali su Pippi Chelsilùnghi
Colegamèint estèren
- (ŚVED) La puntèda dal telefìlm in dû a piōv tant che Dio 'l la manda in sìm'a 'l youtube