Perché no? (film 1999)
|
C'l artìcul chè 'l è scrit in
Miranduléś |
 Pourquoi pas moi?
| ||
| Perché no? | ||
.png) Johnny Hallyday in na figùra dal film | ||
| Parchè nò? 1999 | ||
|---|---|---|
| Regìa: Stéphane Giusti | ||
| Scritōr: Stéphane Giusti | ||
| Atōr: Amira Casar • Julie Gayet • Bruno Putzulu Assumpta Serna • Carmen Chaplin • Elli Medeiros Alexandra London • Marta Gil • Johnny Hallyday Vittoria Scognamiglio • Marie-France Pisier | ||
| Müsica: / | ||
| Léngua: Francés | ||
| Dürä dal film: 96 minüt | ||
| Nasiōṅ: Frància • Spaggna • Śvisra | ||
Perché no? (Parchè nò?) l'è na cumèdia francéśa, spagnōla e śvisra dal 1999 scrita e dirèta par Stéphane Giusti, giràda a Barcelóna.
In dal film a s sènt i pès Canzone per te ad Sergio Endrigo, cantâ par la Vittoria Scognamiglio, Crazy dla Patsy Cline, Malafemmina ad Totò, cantâ par Peppino Di Capri, e People Hold On dla Lisa Stansfield.
Sunt
La Camille (Amira Casar), insém a i sò amìg Nico (Bruno Putzulu) e l’Eva (Julie Gayet), l'à avèrt a Barcelóna na cà editōra specialiśàda in manga e fantasiénsa. La ragàsa l'è impgnàda a livèl sentimentàł, esénd ch'la viṿ da tri an cun na studènta ciamàda Ariane (Alexandra London), acsè cuma Nico e l’Eva ch'i stàn'n insém, ma sōl par quaciàr-as 'l un cun cl'atra parchè i èṅ gay anc lōr.
Adès però la Camille la s è stufàda ad cla situasiòṅ chè e, 'd acòrd cun sò màdar Josépha (Brigitte Roüan), na burghéśa piutòst uriginàla, l'à decìś ad śibìr a i sò dū sóci e a i sò genitōr ad pasàr un fiṅ 'd stmana tut insém in dla sò vila 'd famìja, in manéra 'd psēr tiràr fóra la véra. I rìvan acsè la cantànta Sara Manuel (Vittoria Scognamiglio), màd'r ad Nico c'n al terōr 'd èsar bcada da i paparàś, al turēr José Bailén (Johnny Hallyday) e la Malou (Elli Medeiros), genitōr dl’Eva, 'l insgnànt ad biulugìa a 'l antìga Alain (Jean-Claude Dauphin) e l’Irene (Marie-France Pisier), genitōr dl’Ariane e, par finìr, la segretària dla dita, la Lili (Carmen Chaplin), insém a i suo, la Diane (Assumpta Serna) e Tony (Joan Crosas).
Quand i tri sóci i cònt'n al sò segrét, José al s arlìa dimóndi méntar sò mujēr la taca a piànśar. Da 'l cant suo Alain al decìd ad partìr subìt.