Pedagogìa

Da Wikipedia.

C'l artìcol chè 'l è scrit in Carpśàn Emiliàn


Un ragasōl in na scóla dal métod Montessori.

La pedagogìa (pedagogia in itagliàṅ, da 'l gréc παις, παιδος, "putèin" e αγω, "purtèr", "cunpagnèr", perché in dla Grécia antìga i sèruv i cunpagnèv'n i putèin a studièr) l'è la sièinsa ch'la stùddia el manéri 'd insgnèr, 'd educhèr, ed socialiśèr i putèin, i ragasōl, e in di ùltem tèimp, anca formèr i agìnt grand infintànt ch'a gh'sia quèl da imparèr e da spartìr insèm a chièter.

A s descòr ed pedagogìa generèla, ch'la pèinsa criticamèint a 'l riguèrd ed tut i śvùj edl'educasiòun, e anca ed soquànti pedagogìi specialiśèdi, damànd quèla pre-scolèra, quèla di putèin, di ragasōl, di agìnta grand, quèla ed sert métod ed pedagogìsta famōś, cuma quèla edla Montessori, dal surèli Agazzi, e via descurènd. In del só anàliś e pinsèdi in sìm'a l'educasiòun, la pedagogìa, dop 'd avér tgnû a mèint ai probléma ch'la cata ed lung ala strèda, la tin còunt di cunsìli e del solusiòun ch'i gh'śibìsen chegli ètri sièinsi socèli, damànd la psicologìa edl'educasiòun, la filośofìa edl'educasiòun, la sociologìa edl'educasiòun, la stòria edl'educasiòun, l'antropologìa, e vìa acsè.

Di ragasōl ghanéś a lesiòun col pc.

Vōś lighèdi

Noti e referèinsi

Èter progèt

Colegamèint estèren