Paura (film 1996)
|
C'l artìcul chè 'l è scrit in
Miranduléś |
 Fear | ||
| Paura | ||
.png) La Reese Witherspoon in na figùra dal film | ||
| Paùra 1996 | ||
|---|---|---|
| Regìa: James Foley | ||
| Scritōr: Christopher Crowe | ||
| Atōr: Mark Wahlberg • Reese Witherspoon William Petersen • Amy Brenneman • Gary Riley Alyssa Milano • Christopher Gray • Tracy Fraim | ||
| Müsica: Carter Burwell | ||
| Léngua: Ingléś | ||
| Dürä dal film: 97 minüt | ||
| Nasiōṅ: Stat Unî • Cànada | ||
Paura (Paùra) 'l è 'n thriller dramàtic dal 1996 ad James Foley.
La pelìcula l'è custàda siē migliòṅ e mèś ad dòlar e la 'n à fat sù dagnóra vint-i-òṅ.
Sunt
[mudéfica la surzéia]La Nicole Walker (Reese Witherspoon) la gh'à séd'ś an e la viṿ darènt a Seattle in na vila cun sò pàdar Steven (William Petersen), cun la sò mujēr nóva Laura (Amy Brenneman) e a sò fiōl Toby (Christopher Gray) ch'l'à abû da 'n àt'r óm. Un dè, méntar l'è fóra insém a i sò amìg Gary Rohmer (Todd Caldecott) e la Margo Masse (Alyssa Milano), la cgnós un ragàs ciamâ David McCall (Mark Wahlberg) ch'al gh fà pèrdar la tèsta. I dū i s mét'n insém.
Chi lò però 'l è 'n tisi dimóndi gelóś, pusesìṿ e viulènt. Quànd al véd la Nicole brasàr-as cun Gary, David al pìcia 'l ragàs e pò al fà 'n òć nég'r a la Nicole che dònca la decìd ad mulàr-al ma sōl par pôc parchè pò la 'l pardóna. In séguit al ragàs 'l invìda la Nicole a na fèsta a cà dal sò amìg Logan (Tracy Fraim). Chè la śōvna la véd la Margo fumàr dal crack e pò far sès c'n al sò muróś. La sò amìga la gh diś che lò al l'à viulentàda, ch'la n al vliva minga far. Da 'l cant suo David prima al dà adòs a la Margo, urdnànd-'g ad cunvìsar la Nicole ad turnàr insém a lò, pò 'l masa Gary parchè al 'l à vdû insém a la sò muróśa.
David al gh 'n à anc par Steven e par la sò famìja. Prima al śbraga la sò màchina, pò al và a cà di Walker par far-'g-la pagàr insém a quàt'r amìg: Logan, Hacker (Gary Riley), Knobby (Jed Rees) e Terry (Jason Kristofer).