Paul Sorvino

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Paul Sorvino tòlt śò in dal 2010


Paul Anthony Sorvino (New York, 13 'd Avrìl dal 1939, a s lèś /ˈpɔl sɔːrˈviːnoʊ/ in ingléś) 'l è 'n atōr, cantànt 'd òpra, imprendidōr, regìsta e scultōr americàṅ cun di urìgini itagliàni par part ad pàd'r e 'd màdar. Al dascór bèṅ abàsta 'l itagliàṅ anc se cun 'n asènt pēś dla Basitàglia. Malâ 'd aśma, 'l à dâ vita a na fundasiòṅ par jutàr al parsòni cuma lò.

Al s è spuśâ tri vòlti e 'l è dvintâ pàdar p'r àtar tanti vòlti. La Mira e Michael Sorvino i aṅ pò purtâ avànti al sò stés mistēr.

Biugrafìa

Da śōvan Paul al stùddia a 'l American Musical and Dramatic Academy ad New York cuma cantànt lìric. Esénd aśmàtic, 'l è custrét pò a cambiàr mistēr dvintànt atōr 'd art dramàtica. In dal 1964 al fà 'l sò debùt a Broadway in dal musical Bajour, pò in dal 1971 al rècita insém a Al Pacino in dal film Panico a Needle Park, un quèl ch'al farà anc in dal 1980 cun Cruising.

In dal 1985 al s dà a la scarésa faghénd Stuff - Il gelato che uccide ad Larry Cohen e Sonno di ghiaccio ad Wes Craven, pò in dal 1990 Warren Beatty 'l al sarnìs par la part ad Labbra Manlis in dal pelìcula Dick Tracy cun la Madonna e Al Pacino. Sèmp'r in di an Nuànta al lavóra cun Oliver Stone in Gli intrighi del potere - Nixon (1995) e cun Leonardo DiCaprio in Romeo + Giulietta (1996).

In di an Dumìla al s dà da far dimóndi in Itàglia. In dal 2001 al gira Streghe verso nord pò 'l è òspit dal prugràma televiśìṿ ad Gianni Morandi Non facciamoci prendere dal panico su la Rai 1. In dal 2008 'l è prutagunìsta ad Carnera - The Walking Mountain cun la regìa ad Renzo Martinelli méntar 'l an dòp al gira 'l fiction Doc West cun Terence Hill e L'onore e il rispetto cun Gabriel Garko e la Serena Autieri.

Filmugrafìa

Paul insém a la Mitzi Hoag in dal telefìlm We'll Get By

Culegamènt estéran

Àtar prugèt